58. De sancta Katherina.

1. Venerandam

veneremur invictam
virginem, intactam
et castam,
Costi regis filiam,

2. Quae devictos

quinquaginta rhetores

in fide firmatos

supernam

perduxit ad gloriam.

8. Machinas fregit,
rotas deiecit,
tortores saevos interfecit
digna Dei ultio ;

4. Sanctam salvavit,
corpus humavit,
in monte Sina collocavit
angelorum contio.

5. Iam virgo salutifera

cum Christo vivit in aethra,
iam suis dat vitae praemina
mira Dei gratia.

6. Rogamus ergo, domina,
deleto nostra crimina,
nos transfer ad caeli limina,
ubi pax et gloria.