58. In Octava Visitationis BVM.

1 a. Te, regina, colimus,
Tibi laudes canimus
Ex affectu cordium,

1b. Quae es in angustiis
Et in rebus dubiis
Salus et solacium

2 a. O stella praefulgida,
Tu dira certamina
Maris huius reprime ;

2 b. Simonis navicula
Filii funicula

Ne scindatur, prohibe.

3 a. Portus navigantium,
Preces supplicantium
Filiorum suscipe.

3 b. Consolare flebiles,
Iuva pusillanimes
Et errantes corrige.

4 a. Quae Deum hominibus
Et ima caelestibus
Iungis, o puerpera,

4 b. Haereses interime,
Scismata tu destrue
Firma patris dextera.

5. Amen dicant omnia.