6 2 DISMEMBRATIONIS.

strenuis omnium Episcopus N. qui anno 1874 in discursu s. Vi- sitationis decreto constituerat:

1. Praeposito Capituli s. Georgii ius competere sacramenta ministrandi vel per se vel per Capellanos ad hoc deputandos et ab Episcopo approbandos:

2. Eidem Praeposito, utpote primae Capituli dignitati, ius pertinere functiones peragendi in solemnitatibus quae de iure pa- rochiali non essent : et prima dignitate absente , ius ad se- cundam transire. Hisce in solemnitatibus in quibus unus de Capitulo functiones peragit, ius interventus integro Capitulo com- petere.

3. Capellanos dependenter a Praeposito Sacramentorum ad- ministrationi incumbere debere.

4. Oeconomis seu procuratoribus nudam competere bonorum administrationem, cuius rationum redditionem Praeposito adpro- bandam, quotannis ostendere debent.

Cum vero per huiusmodi decretum clausa tergiversationibus via esset, administratores anno 1875 Ecclesiam s. Ioannis a iurisdictione Matricis subtrahere nisi sunt, oblatis s. Congre- gationi Concilii precibus pro eiusdem paroeciae dismembratione; sed Episcopi informatione contraria petitioni recepta, s. Con- gregatio die 8 Maii 1875 rescripsit non expedire.

Accidit interea ut Episcopali ab Sede N. ad Metropolitanam S. eveheretur qui tali modo omnia disposuerat : et in contrariam prorsus sententiam iret qui ei Successor Dioecesi N. regendae datus est. Hic nonnisi per substantialem rerum mutationem pacem in civitate M. duraturam obtineri posse pro certo tenens, et Capitulo prohibendum esse duxit ne ad Ecclesiam hanc fi- lialem functiones celebrandi causa accederet, salvo eidem iure in petitorio ius suum ostendendi ; et eiusdem Ecclesiae dismem- brationem esse promovendam. Itaque iteratis a s. Ioannis oe- conomis precibus pro dismembratione obtinenda, Episcopo eas in sua informatione et voto commendante, causam in folio poni iussit s. Congregatio.

Ex alia parte Capitulum s. Georgii, contra Episcopum, qui iuris peragendi functiones exercitium praepediverat, idem ius