62 EX S. POENITENTIARIA. APOSTOLICA

« Quatenus parochi supplementum accipiant a Gubernio in compensationem decimarum, et illud decimas, quas antea per- cipiebant, adaequet; reliquum quod a fidelibus praestatur, ero- gandum in pias causas iudicio Ordinarii ».

Datum Romae e S. Poenitentiaria, die 20 Novembris 1902.

A. C ARC AN i, Regens.

A . MARTINI, Secretarius.

II.

« Parochus N. N., dioecesis Callien., suo suorumque colle- garum nomine exponit quod sequitur:

Noster Episcopus die 24 Novembris 1900, litteras misit ad parochos dioecesis, ut quoad decimarum materiam uniformiter conscientias dirigeret.

In iis litteris normae continentur, circa quas hae declara- tiones requiruntur:

1. Quarta norma inculcat « non oportere fidelibus aperire quod solvere decimas non tenentur, sed esse relinquendus in sua opinione». Nunc autem quaeritur: Quando datur casus, et is quidem non infrequens, quod parochus directe interrogetur a fidelibus de vigore aut cessatione obligationis, quid ipse respon- dere debebit?

2. Parochi qui decenter vivere nequirent solis lib. 900, illi- que magis qui ante decimarum sacramentalium abolitionem reditum habebant excedentem lib. 900, obliganturne hodie, ex norma sub numero quinto expressa, Episcopi dispositioni com- mittere omnem decimarum proventum, quin ius habeant pro se retinendi vel illam partem quae necessaria esset ad antiquum proventum adaequandum ?

3. In quocumque casu, ac praecipue quando contingit quod Gubernium minime supplet quantum supplere deberet ne solos gravaret meliores, nonne temperari posset norma sub numero sexto posita, simulque parochi necessitati subvenire, ad facilio- rem praecepti adimpletionem. Domino Episcopo facultatem tri- buendo ut aeque reducat, pro sua prudentia, antiquum tributum, ita ut hodie pro decima solvatur, v. gr. solum dimidia pars aut tertia eius, quod prius solvebatur?