59. De s. Katherina Senensi.

1. Salve, beata
Katherina
de Senis,
filia a Costi
sic congrue dicta.

2. Adhuc vix quinquennis
in te ostendis
tui nominis rem,
flectens genu, fundens precem
ad Christum
necnon eius ad matrem.

3. Annos septem geris,
dum te astringis
caelibatu Christo,
optans hinc sibi et matri
affectu
puriore coniungi.

4. Te duodennem,

viri torum respuentem,
adflixere indigne
multis iniuriis
noti et propinqui.

5. Sed, qui te pie

dignatus est eligere,
sponsae suae post bella
dat pacem illustrans
virtutem et donis.

6. Caro mactatur,

spiritus inpinguatur
abstinentiis,
excessibus mentis,
disciplinis diris,
vigiliis sacris.

7. Vestis inculta
durioraque strata
quies modica,
refectio parca:
liaec tua studia,
quibus insudasti.

8. Hinc ordinem
paenitentiae

sororum subis celerrime,
a te plurimum
dudum optatum,
bis decem annos agens ;
quantum profectum illuc
apprehenderis,

fidem vincit, excedit humanam
vivendi normulam.

9. Sic corde ferves
tuum ad sponsum,
ut cogites nil praeter eum,
sponte negligens
carnis debita,
ac si exsistas tota
in spiritum conversa ;
crebrescunt hinc
raptus divinaque fiunt nota
tibi sic mysteria.

10. Sed ita gaudes
spiritu bonis,
ut non eximaris
a flagellis,
quibus exercens
tam mente quam carne
per adversorum casus varios
a mundo et ab hoste.

11. Sunt arma tua,
quibus triumphas,
humilitas cordis,
robur mentis,
spes sanctae mercedis
cum oratione ;
his fulta nullos paves hostium
insultus, O athleta.

12. Tuis nos,

virgo sacrata,
virtutibus illustra,

13. Quae Christi
Iesu stigmata
etiam es sortita.

12. Tu patrem et matrem salvas
tuque desperatissimos
Deo concilias.

15. Et nostris ora pro culpis,
iam iuncta sponsi intimi
castis amplexibus,

16. Ut mereamur tecum
perenniter
exsultare
felices in caelis,
qui tuas laudes pie in terris
resonare gestimus.