59. Ib Purificatione BMV.

1 a. Nunc, Christi familia,
matri ore dic carmina.

2 b. Maria, vitae porta,
caeli via, mundi stella,

2 a. Ave, Maria,
ave, florum
nutritia,
ave, virgo summa ;

2 b. Christum baiulas,
Deo sistis
Deum, ut sit
pro nobis hostia.

3a. Actis pura, purificas
te, lucerna virginea:

3b. Quid, quaeso, purgas ? Macula
nulla a te est contracta.

4 a. Nos, nos purificas
dans nobis, pia,
humilis exempla ;

4b. Offers hic columbas,
columba, facta
Christo sponsa pulchra.

5 a. Quae est haec virgula,
quae scandit sidera,

5 b. Turis fumifera,
odoris gerula?

6 a. Nos infundis tua,
plena gratia,

6 b. Nutris atque portas,
sinu educas.

7 a. Ergo tui servi
damus cantica,

7 b. Nos ut tecum simus
caeli in aula.

8 a. Ibi est vita beata,
ibi sancti
pascuntur iustitia ;

8 b. Ibi nulla miseria,
ibi summe
felicia gaudia

9. Ibi nos tecum socia,
mater pia.