60. De Gaudiis BMV.

1. Gaude, candens lilium,

Mater pietatis,
Nobile triclinium,

Summae trinitatis,
Forma, spes humilium,

Princeps castitatis,
Memor mei
Valde rei

Sis, flos pietatis.

2. Gaude, legislatio

Dominam te clamat,
Humanaque ratio

Praeceptricem famat
Nati, id quo natio

Fidelis acclamat,
Nam ut patri
Proles matri

Sic parere amat.

3. Gaude, Sion filia,

Pacis refornratrix,
Tu me reconcilia,

Pauperum solatrix,
Purgans in me vitia,

Mundi reparatrix,
Meum votum
Tibi notum

Audi, imperatrix.

4. Gaude, ab initio

Prae saeclis creata,
Miro privilegio

In omnes ditata,
Salubri consilio

Es praedestinata,
Mater Dei,
Tutrix rei

Ut sis, o beata.

5. Gaude, ut te decuit,

Conceptam sacravit
Deus, post haec docuit

Vita tis et pavit,
Scelus vetus necuit

Haeresesque stravit,
Nam virtutem
Et salutem

Cunctis demonstravit.

6. Gaude, tibi nuntius

E colo legatur,
Juxta verba ocius

Sua humanatur
In te Dei filius

Et humiliatur,
Tis ignotum
Mundo votum

Per quem approbatur.

7. Gaude, natum parere

Dei meruisti,
Lacte tua alere

Quae digna fuisti,
Angelos hunc canere

Et magos vidisti,
Te optante
Post et ante

Virgo permansisti.

8. Gaude, pneuma visitat

Jesum baptizatum,
Et hunc pater clamitat

Fore suum natum,
Eremum inhabitat,

Dein mundi statum
Verbis, signis
Factis dignis

Curat sauciatum.

9 Gaude, die tertia

A morte surrexit,
Suos cum solertia

De limbo evexit,
Christus prae inertia

Errantes allexit,
Caros tuos,
Immo suos

Parando respexit.

10. Gaude, suos penitus

Patri committebat,
Super coelos inclitus

Rex cum ascendebat,
Nobis vitae aditus

Hinc patefiebat,
Qua potenter,
Qua gaudenter,

Euge, praecedebat.

11. Gaude, mirabiliter

Perfidos elisit
Pater, visibiliter

Quando flamen misit
His, verbi quos dulciter

Nomine arrisit,
Tunc sincero
Atque mero

Dulcore te visit.

12. Gaude, dote varia

Deus te dotando
Assumpsit cum gloria

Summa trabeando,
Ad dextram in curia

Coeli collocando,
Trans cunctorum
Angelorum

Choros exaltando.

13. Quo inaestimabili

Te felicitate
Ditans ineffabili

Ornat dignitate;
Vale hinc, laudabili

Vernans caritate,
Ergo graude,
Gaudens plaude

In jucunditate.
14. Hinc est, quod edicere

Nulla creatura
Valet nec elicere

Laudis tua jura,
Eja me conspicere,

Mater, haec procura,
Dans beatum
Mihi statum

Vita in futura.
15. Deus, summa trinitas

Tibi nil recusat,
Cujus ac benignitas,

Ut vis, quaevis cusat,
Ergo tis virginitas,

Quam jam sic decusat,
Pellat labem,
Mortis tabem,

Quae me, heu, incusat.

16. Precor te per tristia,

Quae te hic laeserunt,
Et per Christi gaudia,

Quae et tua erunt
Et sunt nunc in patria

Sicut prae fuerunt,
Sana cunctos,
Veni, punctos,

Qui me infecerunt.

17. Precor te per meritum

Omnium sanctorum,
Per tis nomen inclitum,

Per temet, flos florum,
Da ut non demeritum

Scelerum meorum
Me demergat,
Quae abstergat

Precamen sanctorum.

18, Precor te per sanguinem

Et per poenas Christi,
Per sacram propaginem,

Ex qua prodiisti,
Quae Deum et hominem

Virgo genuisti,
Hunc exora
Absque mora

Pro me, ut novisti.

19. Per patrem, piissima,

Per verbum, per flamen.
Quos credo firmissima

Deum unum tamen
Fide, te, sanctissima,

Precor, ut solamen
Mihi pia
Sis Maria

Hora mortis. Amen.