63. De sancto Matthaeo.

In 1. Vesperis.
Super Psalmos.

A. Gaude, diva

radix levitica,

Tanti rami

dans nobis gaudia,

Magis tamen
plaudat ecclesia

Apostoli

dotata gloria,

Matthaei re-
gnantis in patria.

R. Dom Matthaeus Christum fatur,
Maurorum regis filia

Vivo verbo inspiratur

Caelibum tunc constantia,
Sicque Christo desponsatur

Insignis Ephigenia,
V. Quae lilium

sibi convallium
Habet iunctum,

Mariae filium.

Ad Magnificat.

A. Transfert Dei

ad Mauros filium
Matthaeus dans
eis consilium,

Ut credentes

post hoc exsilium
Suscipiant

triumphi lilium.

Ad Matutinum.
Invitatorium.

Virginalem puerum

Ore collaudemus,
Apostolorum Dominum

Mente adoremus.

In 1. Nocturno.
Antiphonae.

1. Fontem vitae reserare

Venit Matthaeus Mauriam,
Veram lucem nuntiare
Reis donantem veniam.

2. Morem gerens hominis
Deum incarnatum
Describit et nominis
Sui caelibatum.

3. Documentis populum
Erudivit gratiae,
Praemii nunc cumulum
Tenet Dei facie.

Responsoria.

1. Mundum gyrans

percurrit stadium,
Gentes caecas

vocat ad bravium,
Hostem fugat

assumens gladium

Verbi vi clavium.
V. Fontem vitae monstrat
Christi, qui proclamat:
Quicunque sitiat,
Veniat et bibat.

2. Transit gentes
alienigenas,
Mauros, Indos

et Macedonicas
Iugo Christi

subdens terricolas,
Parans caelicolas;
V. Vocatus a

Christo dixit: Assum ;
Quem promovit
mox in apostolum.

3. Patriarcha orphanorum,

Exterge sordes mentium,
Luctus aufer pupillorum

In hac valle gementium
Et in coetu angelorum

Consortes fac gaudentium.
V. Rex coronat

fortes et pugiles,
Christo iungat

Matthaeus humiles.

In 2. Nocturno.

1. Domesticis, inquilinis

Et dogma evangelicum
Christus nuntiis cum binis
Mittit et apostolicum.

2. Agonizans

claret miraculis,
Plebes munit

divis signaculis,
Parans iugi-
bus taberuaculis.

3. Atrox carnis martyrium,
Susceptas plagas vulnerum,
Perfidorum ludibrium
Habebat ad solacium,

Responsoria.

1. Huius corpus

lictor transforat,

Quando Christi
corpus consecrat;
Dante Christo
Sic mors abscesserat,
Vita redierat.
V. Mox assistit
caeli militia
Ducens illum
ad vera gaudia.

2. Cunctos salvavit languidos
Oppressos vi daemonii,
Peccati faece morbidos
Vi Christi [sanat munii];
V. Signis, verbis
reficit variis
Aethiopes

sponsi cellariis.

3. Radiavit splendens
miris prodigiis,
Missus in salutem
terrarum filiis
In effecto rutilo,
Quos curavit,
Baptizavit

Errorum pulso nubilo,
Gaudens cordis iubilo.
V. Coniunctus sanc-
torum solacio
Illic plaudit
[laeto] tripudio.

In 3. Nocturno.
Antiphonae.

1. Eligebat sanctus

Mundi ludibrium,
Tale Christo tantus
Dans sacrificium.

2. Rubens martyr sanguine
Fide gratulatur,
Deum poli agmine
Clare contemplatur.

3. Orat prece sedula
Deum clare visum
Nobis dare per saecula
Tuum paradisum.

Responsoria.

1. Verbo vitae

dum pascit populum,
Peccatorum

frangens ergastulum
Beatorum

promittit poculum
Simulque saeculum ;
V. Ex abundanti gratia
Praestat caeli palatia.

2. Visitanti

desertas Indiae
Partes minas

pater invidiae
Dat Matthaeo,

plebes perfidiae
Ad adyta

vocat tragoediae,
V. Per quem tamen

eversor latriae
Effugatur

a pagis Mauriae.

3. Opem, Christe, promisisti

Apostolos laudantibus,
Dum per eos transmisisti

Salutem oberrantibus,
Semper ergo nos fac sisti

Tibi tuis astantibus.
V. Qui Matthaeum adiunxisti

Felicium agminibus,
Nos a morte salva tristi

Eius beatis precibus.

In Laudibus.
Antiphonae.

1. Sidus oppressam nebula,
Humano latens pallio,
Nunc claritate sedula
Splendet in caeli solio.

2. Datus mundi vespere
Mundo senescenti
Parare in aethere
Vitam paenitenti.
3. Anguis fraude lividus
Mauros excaecavit,
Quos Matthaeus fervidus
Fide, spe sanavit.

4. Ore, corde pariter
Levi veneremur,
Cuius prece iugiter
Nece protegemur.
5, Supplex assessor iudicis
Christo supplicabit
Pacem, quam viris caelicis
Digne impetrabit.

Ad Benedictus.
A. Dum Matthaeus

Christum annuntiat,

Plebis clamor
mortuum resonat

Regis fili-
um, quem resuscitat

Sicque Mauros
errore liberat.

In 2. Vesperis.
Ad Magnificat

A. O lux Macedoniae,

Sceptrum maiestatis,
Candor Aethyopiae,

Hortus voluptatis,
Venam fontis gratiae

Reserasti gratis,
Illustrator Indiae,

Nos adde beatis.