63. De Cruce Domini.

1. Triumphale lignum crucis,
Tu nos seductos reducis

Ad superna gaudia,
Portas pandis verae lucis,
Claudis fauces hostis trucis

Divina potentia.

2. Te adoro propter illum,
Qui per te gregem pusillum

Seduxit ad patriam,
Confringens per hoc vexillum
Mortis vectes et sigillum.
Signans infernalia.

(j4. De Sancta Cruce.

1. O crux, ave, spes unica,
Arbor salve snavissima,
Quam Christus sua gratia
Morte dicavit propria.

2. Te sacra Christi passio
Et sanguinis effusio
Colendam omni populo
Consecravit in saeculo.

3. Ad cuius nunc memoriam
Et passionis gloriam
Te adoro, te veneror,
Per te salvari deprecor.

4. Sis mea tu protectio
Et in cunctis defensio,
Me intus et exterius
Conserves horis omnibus.

5. A maligno me protege,
Crux alma, omni tempore,
Cum insurgit temptatio,
Sis mea liberatio.

6. In adversis refugium.
Contra hostes subsidium,
Contra Satanae iaculum
Tu mihi sis obstaculum.

7. Tua potens tuitio
Me purget omni vitio

8. O crux, tuum signaculum
Sit mihi propugnaculum
Et motibus illicitis
Et actu turpitudinis.

9. Contra omne periculum
Crux mihi sit umbraculum,
Ab aestu libitudinis
Conservet arcem pectoris.

10. Ne turpis cogitatio
Aut carnis delectatio
Ad consensum me pertrahat,
Crux semper me custodiat.