61. De septem Gaudiis BMV.

1. Gubernantis superna patria
Decantantur septena gaudia
Primum dicens: tu plena gratia,
Inquit Ave.

In excelsis cantatur gloria,
Hoc secundum angelis nuntia,
Deum noscunt tunc animalia

In praesepe.
2. Ternum stellae regiae claritas
Magos duxit, Bethlehem civitas
Hos suscepit, Herodis pravitas

Memoratur.
Quartum fuit sepulchri novitas,
Dum surrexit Dei humanitas,
Judaeorum prava societas

Admiratur.
3. Virgo mater dum vidit filium
Triumphando, parando praemium,
Unde venit, ascendit iterum

Coronatus.
Pater sanctum emittens spiritum
Roboravit corda fidelium,
Adest color ignis quemadmodum

Coloratus.
4. Gloriosa virgo sanctissimae
Post egressum carnis purissimae
Elevatur choris altissime

Angelorum.
Istis septem gaudiis optime
Gaudeamus, Deus plenissime
Nos reducat ad portum gloriae

Et sanctorum.