QUAESTIO III.

Utrum in secunda sanctificatione a beata Virgine ablata fuerit peccandi potentia.

Tertio quaeritur, utrum in secunda sanctificatione ablata fuerit ab ea peccandi potentia. Et quod sic, videtur:

1. Primo per Ambrosium in libro de Virginitate kbealae Virginis : " Impossibile fuit, uterum Virginis, quem Filius Dei inhabitando consecravit, alienae copulae coitu incestari"; sed similis ratio fuit de aliis generibus peccatorum: ergo videtur, quod nullo alio peccati genere potuerit maculari post conceptionem Filii Dei.

2. Item, vituperium esset Christo, si haberet matrem peccatricem : si ergo Christo in nullo potest fieri contumelia, videtur, quod post ipsius conceptionem in beata Virgine non potuerit esse culpa.

3. Item, si beata Virgo potuerit peccare, potuit in peccato perseverare, ergo potuit damnari: si ergo Matrem Dei et Reginam caelorum damnari in inferno omnino est impossibile: ergo et illud, ex quo sequitur, scilicet hoc quod ponitur, ipsam posse peccare: ergo etc.

4. Item, dignior fuit Mater Christi ex hoc, quod Mater Dei effecta est, quam sit aliquis Angelus in caelo: si ergo Angeli boni in gratia sunt confirmati , multo magis et Mater Dei: ergo etc.

Sed contha: 1. Lucae secundo : Tuam ipsius animam pertransibit gladius; hoc verbum tractans Damascenus dicit: "Dolores, quos Virgo effugit pariens, hos in Christi passione sustinuit, ita quod gladius animam eius pertransivit)): ergo ipsius anima fuit in Christi passione turbata, et ita perturbata: si ergo potuit perturbari, videtur, quod potuit ad veniale pertrahi.

2. Item, Augustinus in Quaeslionibus novi et veteris Testamentif tractans illud: Tuam-Mpsius animam pertransibit gladius, ait sic: "Hoc utique signiflcavit, quod Maria, per quam gestum est mysterium incarnationis ,dnbilaret, non tamen in dubitatione permaneret)): si ergo, postquam genuit Filium Dei, potuit dubitare in fide, potuit peccare.

3. Item, potentia moriendi consequitur potentiam peccandi ; sed beata Virgo Maria post conceptionem mori potuit: ergo videtur, quod peccare potuerit.

4. Item, impossibilitas peccandi spectat ad statum comprehensoris; sed beata Virgo ex hoc, quod Filium Dei genuit, non est posita extra statum viatoris: ergo videtur, quod non sit ei ablata potentia peccandi.

CONCLUSIO.

Beata Virgo post Filii Dei conceptionem peccare non potuit, non propter alicuius potentiae amissionem, sed propter potentiae in bono confirmotionem et defectus ablationem.

Respondeo: Dicendum, quod in secunda sanctificatione non tantum fuit data Virgini gratia sanctificans, sed etiam gratia in bono confirmans: et hoc, quia Filio suo adeo fuit coniuncta, ut nullo modo permitteret, eam a se ipso sequestrari.

Propter quod notandi sunt gradus divinorum beneficiorum. Christus enim, qui fuit Sanctus Sanctorum, facultatem habuit vitandi omne peccatum et impossibilitatem committendi aliquod peccatum . Alii vero filii hominum difficultatem habent ad vitandum peccatum et necessitatem ad committendum ; et hoc quidem competit omnibus generatis de massa peccati. Ab hac igitur massa liberata fuit Virgo Maria in prima sanctificatione, liberata etiam fuit in secunda: sed in prima fuit conformis aliis sanctificatis: in secunda facta est conformis Filio, quem genuit.

In prima namque sanctificatione data est ei potestas et facultas vitandi omne peccatum morlale: data est etiam facultas vitandi frequentiam venialium; data est etiam nihilominus facultas vitandi omne peccatum, non tantum particulariter, sed etiam universaliter.

Et in his tribus gradibus patent tres gradus sanctificationum, videlicet Ioannis Baptistae, leremiae et Mariae. Nam prima conditio fuit leremiae; secunda vero Ioannis: sed ista triplex Virginis Mariae, quae plus ad Filii accessit puritatem per vitae meritum.

Sed cum Sanctum Sanctorum gestavit in utero suo, tunc sanctificata fuit conformiter Filio suo, non tantum quantum ad potentiam ad peccatum , sed etiam quantum ad impossibilitatem labendi. in aliquod peccatum. Unde sicut impossibile fuit propter honorem Filii sui, ut alium haberet filium: sic impossibile fuit, ut unquam ulterius haberet peccatum. Sicut etiam impossibile fuit, ut carnis virginitas violaretur, in qua Filius Dei habitaverat: sic impossibile fuit, ut mentis sanctitas aliqua culpa macularetur.

Ad cuius testimonium valet quod quidam ludaei asserunt, hoc mirum fuisse in Virgine Maria, quod cum esset pulcherrima, tamen a nullo unquam viro fuerit concupita. Nec pendendum est illud infidelium testimonium; oportet enim testimonium habere ab his qui foris sunt .

Concedendae sunt igitur rationes ostendentes, quod beata Virgo Maria post Filii Dei conceptionem peccare non potuit, non propter alicuius potentiae amissionem, sed propter potentiae confirmationem et defectus ablationem.

1. Ad illud ergo quod primo obiicitur, quod "beata Virgo fuit perturbata; dicendum, quod immensitas illa doloris non refertur ad partem ammae rationalem, sed sensibilem. Unde anima stat ibi pro illa parte, secundum quam convertitur ad corpus: unde non fuit perturbata, secundum quod perturbatio dicit deordinationem in parte rationali .

2. Ad illud quod obiicitur de auctoritate Quaestionum Bovi et veteris Testamenti, quod beata LVirgo dubitavit: dicendum, quod non constat, illum rlibrum esse Augustini, propter hoc quod multa ibi sunt, quae non videntur esse verba Augustini. - Verumtamen, ne fugam petere videamur, dici potest, quod est dubitatio proveniens ex fidei debilitate, et est quaedam dubitatio proveniens ex admirationis immensitate, qua dicitur homo dubitare, cum exstupescit et quasi fit totus extra se ex intuitu rei admirabilis. Et hoc modo intelligendum est, Virginem dubitasse, non propter defectum fidei . Indubitanter enim credendum est, quod Virgo Maria semper stetit, unde in ea fides sibi invenit solidum fundamentum. Unde discipulis non credentibus et dubitantibus, ipsa fuit, in qua fides Ecclesiae remanserat solida et inconcussa: et ideo in die sabbati in honorem eius solemnizat omnis Ecclesia .

3. Ad illud quod obiicitur, quod potuit inori: dicendum, quod non est simile, pro eo quod non fuit decens, Filium Dei habere matrem immortalem, cum ipse esset mortalis , sed valde indecens esset, si matrem haberet peccatricem: quamvis Hieronymus dicat, quod solum peccatrices numerantur in genealogia Salvatoris;: hoc enim non est propter peccatum, sed propter aliquod speciale factum, propter quod illae mulieres exprimuntur in Scriptura. Et completur in eis illa prophetia, sicut illud Isaiae decimo sexto : Emitte agnum Domine dominatorem terrae etc, et per petram deserti intelligitur Ruth, sicut dicit Hieronymus. Quidquid tamen sit de parentibus remotis, nulli tamen dubium est de Matre Dei, quin talis debuerit esse, quae non potuerit redargui de peccato, cum fuisset ad improperium Christi.

4. Ad illud quod . obiicitur de impossibilitate peccandi, dicendum, quod verum est, quantum est de lege communi: sed nihil impedit, quin de gratia speciali possit alicui concedi in via, quod aliis communiter datur in patria, et illi personae precipue, quae in terris degens regina erat eorum qui exsultant in caelis .