61. In Purificatione BMV.

1 a. O beata

theotocos alma,

1 b. Preces nostras
caelo repraesenta.

2 a. Nam in tua
se clausit
viscera salus nostra,

2 b. Cum visitans
advenit
mundum salvare cuncta.

3 a. Verbum Dei patris,
sancto cum pneumate
qui fecit omnia,

3 b. Simeonis senis
ulnis est sublatus,
factus terrigena.

4 a. Qui verbum accepit
a spiritu

sancto, quod mortem
non videret antea,

4b. Donec videret
Christum Dei,
factum hominem
ex virgine Maria.

5 a. Quod clementer egit
prophetarum
complens vaticinia,

5 b. Unde ceciderat,
ut hominem
referret ad supera.

6 a. Quem laudat caelestis turma
virtutnm in aethra,
Cherubin
Seraphinque caterva.

6 b. Omnis hunc collaudet homo
devote per saecla,
propter quem
mortis dissolvit iura.

7 a. Quam beata est regina,
ex qua prodiit
proles deical
O celsa, o digna
genetrix Christi,
virgo Maria.

7 b. Te collaudat beatorum
chorus, (iucunda) agmina
martyrum et con-
fessorum devota
nosque precantes
laudamus una.

8 a. Exaudi, stella maris,
mater Dei, oramus
te, nostra

8 b. Hodie precamina
ipsaque tuo nato
praesenta.

9 a. O bone rex
et gloriose,

9b. Preces nostras
pie suscipe;

10 a. Nostra crimina,
petimus, dilue;

10 b. A perpetua

nos morte erue,

11a. Ut praecelsae matris
per merita

11b. Cum sanctis laetemur
in gloria.