62. De septem Gaudiis BMV.

1. Militantis ecclesiae

Jubar in triumphante
Primatum tenet gloriae
Adae lapsu cessante,
Maria levante.
Fons salutis et gratiae,
Te nobis vitam dante
Captatur via veniae,
Messia nos juvante,
Te tamen procreante.

2. Concepta privilegio
Supra jura naturae
De sterili conjugio
Joachim pulso dure

Ducatur maledictio

Defectus geniturae,
De nati benedictio

Cunctis est orta jure.
David regali gremio

Te fatentur scripturae,
Stella, virga, promissio,

Te signarunt figuvae.
3. Virginalis conceptio

Te solam consecravit,
Cum Gabrielis nuntio

Paris, qui te creavit.
Fit pro nato purgatio,

Qui nihil maculavit,

Integralis assumptio
Te cunctis praedotavit.

Nec mirum, si collegio
Coeli te praelocavit

Nutritus tuo gremio,
Te sibi sociavit.

4. Gaudes conceptu deico,
Gaudes partu sacrato,

Gaudes adventu magico,
Gaudes resurcitato,
Gaudes Jesu levato.

Gaudes igne mirifico
Apostolis donato,

Gaudes ascensu coelico,
Perfecte juncta nato,
Pro nobis supplicato.