64. De sancto Annone.

In 1. Vesperis.
Ad Magnificat.
A. Gemma fulgens praesulum,
Veronae proles inclita,
Sancte pater Anno,
Sis semper memor exsulum,
Nos ad virtutes incita,
Serva nos a damno.

Ad Matutinum.

Invitatorium.

Ad Annonis modulet
Laudes chorus laetius,

Alleluja jubilet

Christo noster coetus.

In 1. Nocturno.

Antiphonae.

1. Secus decursus stat aquarum
Plantatus dextra Dei,
Excursus Anno tenebrarum
Hostis devitat rei.

2. Hic praeceptum Domini
Mundo praedicavit,
Dum salutes homini
Semper propinavit.

3. Annonem sanctum caelitus
Ovans suscepit Deus,
Aimus hunc fovet editus
A Christo jubilaeus.

Responsoria.

1. Egentem urbem

nectare fluoris
Anno, fidelis

Christi dispensator,
Prece felici

precibus dulcoris
Rigari poscit,

almus gubernator ;

V. Dum martyres hic revocat,

Salutem cunctis evocat

Veronae recreator.

2. Ecce, sacerdos magnus
A Deo praedotatus,
Qui vixit sicut agnus,
Totus lenis et gratus ;
V. Curavit Anno gentem,
Doctrinam affluentem
Fudit bonis ornatus.

3. Anno praesul mirificus
Hortatus per sororem,
Terrae pater munificus
Orans tulit ardorem,
Nam rex infudit caelicus
Desideratum rorem ;
V. Alter Elias precibus

Implorans praestat civibus
Hunc pluviae liquorem.

In 2. Nocturno.
Antiplionae.

1. Invocantem exaudivit

Annonem rex caelestis,
Imbre fota parturivit,
En, fruges tellus maestis.

2. Laetentur et exsultent

Sperantes in te, Christe,
Concentibus indultent,
Nil sentit Anno triste.

3. Coronatus gloria
Simul et honore,
Anno laetus jubilat
Coram redemptore.

Responsoria.

1. Urbem Veronam siccitas

Exhaurit miseranda,
Fruges et sata dissipat

Sterilitas nefanda,
Hanc praesulis eliminat

Sagacitas laudanda.
V. Relatu doctus caelico

Firmum vexit et Rusticum
Ductu praesul angelico,

Sitis stat detestanda.

2. Arentis terrae faciem,
Squalentis solis maciem,

Quam juste misit Deus.
Anno fugat sanctissimus,
Arcet plagam justissimus,
Purgatur Amorraeus;
V. Siccam tulit salsuginem,
Mortis amaritudinem
Sanator Elisaeus.

3. Quaerit per indagines
Flagrans desiderio
Pontifex beatus,
Ut Veronam martyres
Revehantur serio
Jam post incolatus,
V. Tergesti ductos oppido
Firmum simul cum Rustico
Ad urbis curat status.

In 3. Nocturno.

Antiphonae.

1. Christi tabernaculum
Habitans securus,
Anno, sis umbraculum
Nobis profuturus.

2. Cordis desiderium,
Vitae refrigerium

Deus hunc impendit,
Providens pauperibus
Penitus operibus
Sua dum expendit.

3. Anno Christi sic accepit
Benedictionem,
Quod perenniter suscepit
Caeli mansionem.

Responsoria.

1. Euge, serve bone,
Pontifex Veronae

Pervigil, fidelis,
Anno, pie pater,
Esto nobis frater

Sedulus in caelis.
V. Christo regi duplicis

Redditor talenti,
Hostis nos multiplicis

Exime cautelis.

2. Anno spernens cuncta vana
Pro aeternis dat mundana

Et pro granis paleam,
Corpus terit, ut meos crescat,
Servum premit, ne tumescat,
Cordis purgat aream ;
V. Comparat caelica,
Despicit terrea

Sumens virtutis galeam.

3. O pastor apostolice,
Anno, praesul catholice,

Doctor veritatis,
Ora Christum propitius
Pro famulis, ut citius
Solvat a peccatis.

V. In caeli situs gaudio,
Perenni fultus bravio
Stola claritatis.

In Laudibus.

Antiphonae.

1. Anno, pater patriae,

Veronae stemmate claro
Cretus, nos meritis

barathro tueatur amaro.
2. Calles mundi per labores
Impollutus adiit
Anno, saecli post fluores
Caelum scandens subiit.
3. Decoravit nobilis
nobiles parentes,
Cum sorore virgine
Christo curvat gentes.
4. Huic soror sanctissima
Maria Consolatrix,
Virgo Christi dignissima,
Fuit cooperatrix.
5. Hanc amavit, quod servavit
virginitatis florem,
Sic uterque Christo per se
mirum fragrat odorem.

Ad Benedictus.

A. Urbs Verona, gratulare,

Terrestris paradisus,
In te talis fulget clare

Uterque sexus visus,
Caelo veniant nunc praeclare

Anno sororque, risus
Juges tenent, ipsos care

Roget in Christo fisus.

In 2. Vesperis.
Ad Magnificat.

A. Liberet a damno

nos almus episcopus Anno,
Det fruges morum,

deposcat regna polorum.