EX S, CONGREGATIONE CONCILII. 65

MATRIMONII.

Die 2 Maii et 29 Augusti 1868.

C o n i p e n d í u an f a c t i . Livius adulescens Graeco-schismaticus,

Horatii eiusdem sectae religiosae filius, in catholica natione de-

gens, cum inter suos cuiusdam fundi colonos, Caiam adulescen-

tulam catholicam adspexerit, quae venustate formae vinceret pau-

pertatem natalium, eam amare coepisse dicitur. Horatius pater

vir ditissimus eam adolescentulam in suam domum vocavit, ut rei

familiari inserviret. Haec fuit occasio, qua amor Livii vehemen-

ter creverit , quamvis Caia, ob disparitatem -conditionis religio-

nisque, nec non ob contrariam Horatii voluntatem, patefacto L i -

vii amori non plene respondisse dicatur.

Attamen ex familiari consuetudine, in qua ipse Horatius

quammaxime conni vere visus est, contigit, ut, matrimonii pro-

missione a Livio Caiae non semel fac ta , mulier in stuprum

consenserit.

Verens autem Horatius ne filius suus, de quo magna cogi-

tabat, puellam ignobilem sibi matrimonio iungeret , minabatur,

se eum in Aegyptum missurum,, et reiecturum Caiam eiusque

familiam ex proprio fundo. Eiusmodi autem minas patris , qui

asseritur propositi tenax, ut declinaret Livius, hoc ex aliorum

suggestione iniit consilium, quod Caiae patefactum est: cogita-

tum scilicet est et Caiae propositum matrimonium cum quodam

famulo N. rite contrahendum quoad externas solemnitates, ita

tamen ut matrimonium inter eos nunquam consummaretur, et

Caia permanere cum Livio deberet.

Huic proposito quamvis invita consensisse dicitur Caia; quare

collatis consiliis cum famulo N. qui remunerationem habuit, ma-

trimonium celebratum fuit anno 1851 coram Ecclesia inter Ca-

iam et famulum N.

Acta, tom. IV, fase. XXXVIII. 5