65

Acta, Tom. XXXI. fase. CCCLXII. 5

EX S. CONGREGATIONE CONCILII ~*»~

NULLIUS S. MARTINI IN MONTE PANNONIAE

DISPENSATIONIS MATRIMONII

Die 26 Februarii 1898.

Sess. 24 c. 5 De ref. matr.

COMPENDIUM F A C T I . Michael agricola, e parochia S. Ca- tharinae in Lazi archiabbatiae S. Martini, demortua prima uxore, dispensatione apostolica instructus, die 29 Iunii an. 1895, in matrimonium duxit huius neptem ex fratre Elisabetham, e parochia in Kisber, dioecesis Jaurinensis.

Nuptiis peractis, Michael uxorem suam eadem die secum domum duxit. Prima nocte coniuges eodem lecto usi sunt ; sed mulier accersita a viro ad matrimonium consummandum obedire renuit ac e thalamo resilit. Qua ratione mulier con- iugale debitum viro denegaverit, ex actis non satis con- stat ; tamen, ipsa fatente, nonnisi invita Michaeli nupsit utpote a parentibus coacta. Unde tertia post nuptias die mulier coniugalem domum deseruit, ad eam non amplius redi tura.

Hisce adiunctis constitutus vir, postquam frustra ten- tasset suam uxorem ad se reducere, civile divortium petiit et obtinuit ; ac postea SSmum rogavit ut dignaretur dispen- sare super matrimonio rato et non consummato cum Elisa- betha Grobb.

Constituto tribunali, a iudice percontati sunt coniuges ac utriusque septimae manus testes : mulier inspectioni ocu- lari per duas obstetrices subiecta fuit, quae eam virginem invenerunt. Quare his omnibus expletis acta S. C. trans- missa fuerunt simul cum relatione iudicis delegati, qui valde commendans preces oratoris, affirmat sibi satis constare de inconsummatione matrimonii ac de causis ad dispensandum sufficientibus.