62. "De Compassione BMV".

1 a. Iuxta crucem Domini
Commendata virgini
Virgo mater moritur;

1 b. Novo mortis genere
Mentis caesa vulnere
Poenam mortis patitur,

2 a. Dum videt in proprio
Crucifigi filio

Carnis suae proprium,

2 b. Quem corona spinea,
Sputa, clavi, lancea
Pungunt ad ladibrium.

3 a. Cuius carnis vario
Cruoris profluvio
Purpuratur lilium;

3 b. Tensa rigent viscera,
Fossa fundunt latera
Salutis remedium.

4 a. Inter haec puerpera,
Hinc felix, hinc misera,
Quasi tenens medium

4 b. Inter Christi vulnera
Et salutis opera,

Fletu miscet gaudium.

5 a. Sic Christo praemittitur,
Cum quo crucifigitur
Cruce mentis intima.

5 b. Christum sequens igitur
Regnanti coniungitur
Parte fruens optima ;

6. Ad quam nos prece pia
Perducat virgo Maria.