63. De sancto Ludgero.

1. Cleri decantet contio
Dei famulo
digna praeconia
Ludgero mente pia,

2. Qui regi placuit

summo virtutis obsequio,

3. Quo iam promeruit
sacris ascribi caelicolis.

4. Hic primus pontifex suo
praefulsit oppidulo,
quo praesule plaudit terra,
tali concive clara
caeli gaudet curia.

5. Quis tantus vineae cultor
Domini est et rector?
Quis in domo regis summi
procurat zelo tali
familiam Domini?

6. Hic est speculum
praelaturae principum
dans aequam posteris formam,
qua regant ecclesiam.

7. Idem iunior

parcimoniae servator
exclusit a se luxum vitae
vacans theologiae.

8. Qua Deo templa construxit
et idola destruxit,
nam docendo fidem rectam
perversam convertit sectam
fugans idolatriam.

9. O quantus erat gregi pastor
quam pius informator,
quam hilaris iste dator
sustentabat veste nudos
ciboque famelicos !

10, Hic sacer antistes
ut sol refulgens
in templo Dei
sanavit debiles
desperatosque
reddidit spei;
qui meris virtutibus
mirisque signis floruit,
lucra de talentis
quina quinis obtulit.

11. Et ecce, Dominus

liunc sanctum quam pulchre

mirificavit,

qui caecos oculos

potenter reformans

illuminavit,

curam paraliticis

claudisque gressum tribuit

et surdis auditum

sane restituit.

12. Quendam discerptum
membratim
atque necatum

13. Collectis membris
reduxit
ad vitae statum.

147 Alterum vero quendam
suspensum patibulo
mire solvit a mortis laqueo,

15. Insuper quam plurima
fugavit daemonia
caelesti praepollens gratia.

16. Quis tanti gesta praeclare
plene commendare,
quis cuncta pensare
signa poterit?

17. Quo trina regio claret,
cuius ille doctor,
defensor et rector
fidus exstitit.

18. Hoc rectore

laetatur nunc Westfalia,
gens gaudet Brabantina,
laeto canore
plaudit Frisia.

19. Nam per eius

doctrinam et solacium
post huius vitae cursum
capiunt verae
vitae bravium.

20. Ergo tanto

festiva laude viro
psallens noster
sollemnizat chorus,
voce clara consonus,

21. Ut per eius

sollemnia tendamus
ad amoena
paradisi festa
de mundi miseria.

22. Ludgere,
patrone,

sanctissime pontifex,
suppedita
nobis curam
in hac via lubrica,
ut nos per tua
muniamur
a clade suffragia,

23. Per quae nos
oramus

ad patriam vitae reduci,
ut angelis
sociari

mereamur inclitis,
quibas ardua
te gaudemus
adisse fastigia.

24. Nos gaudere tecum

fac in atriis angelorum.