63. De Compassione Beatae MV.

1 a. Maria, stationalis

Stella, non erratica,

1b. Iuxta crucem contristaris
De fraude Iudaica.

2 a. Nece nati cruentaris,
Eius plagis vulneraris,
Lancea prophetica;

2 b. Sed, quae morte conturbaris,
Eius vita gratularis
Verba per angelica.

3 a. Ergo piae de Mariae

Planctu corda scindite,

3 b. Cum qua Sion lugent viae
Fixum crucis stipite.

4 a. Vita mundi dum discessit,
Mundus tremit, sol pallescit,
Lapis clamans scinditur:

4 b. Veritas nam in plateis
Ruit, et a pharisaeis
Aequitas deseritur.

5 a. Granum terrae commendatur
Trita cordis palea,

5 b. Et, dum sic multiplicatur,
Adimpletur area.

6 a. Nam infernus spoliatur,
Reus inde liberatur,

6 b. Homo surgit, animatur,
Caelos scandit, exaltatur

7. In paterna gloria.