67. In Resurrectione Domini.

1. Pascha novum celebrate
Novo genere carminum,

Zima vetus expurgate,
Rex, mediator hominum,

Homo regnare fatetur
Te lucis ante terminum.

2. Agnum Iudaea seducit,

Cum Ioseph vendunt invidi,

Suos Ioseph introducit,

Quo nunquam intrant perfidi,

Nam stricta via, quae ducit
Ad cenam agni providi.

3. Fulget novum testamentum,
Ioseph exit de carcere,

Implet Christus sacramentum,
Quem mulieres ungere

Veniunt ad monumentum
Iam lucis orto sidere.

4. Florem meriti defiorant

Iniquitatis scelera,
Iustum prodere laborant,

Et tu, Iudaea misera,
Illum cur tradis, adorant

Quem terra, pontus, sidera?