EPISTOLA 67

(Versio)

Dilectis Filiis Nostris S. R. E. Cardinalibus

VINCENTIO VANNUTELLI

MARIANO RAMPOLLA DEL TINDARO

DOMINICO FERRATA

IOSEPHO CALASANCTIO VIVES

Eminentissimi Domini,

Si Nobis onus incumbit documentis atque exemplis a ve- nerabili Praedecessore Nostro Leone PP. XIII sa. me. relictis magnopere consulendi, id eo magis mediis illis, quae in fidei incrementum ac morum sanctitatem vergunt. Re quidem vera, venerabilis Pontifex pro quinquagesimo dogmaticae definitionis Immaculatae B. M. Virginis anniversario, totius mundi fidelium votis persolvens, ut haec commemoratio extraordinariis sole- mnitatibus celebraretur, mense maio transacto Cardinalitiam Commissionem constituerat ut omnibus, quibus ad solemnita- tem quam dignissime commemorandam opus esset, studerent eaque dirigerent. Nos quoque, iisdem erga Beatam Virginem devotionis sensibus imbuti, persuasique quod in his temporum vicissitudinibus haud alia nisi illa coeli maneant auxilia, quae inter potens Benedictae illius intercessio, quae Christianorum auxilium semper evasit, Vos, Eminentissimi, huiusmodi Com- missionis membra confirmamus ; fidentissimi quod vestra so- lertia exitu felicissimo coronabitur/etiam opera illorum illustrium virorum, qui cum iam multum bene mereantur, libentissime nunc laetantur hoc quoque opus praestantes quod arbitratui vestro omnino sese remittant, ut fideliter decisionibus vestris obtempèrent.

Exaudiat Dominus hoc iubilari anno preces, quas inter- cessione Beatae Virginis Immaculatae ab augustissima Triade in sortem omnium mysteriorum misericordiae ac amoris voca- tae ac dispensandi eis gratiarum omnium constitutae, ei fideles Offerent! Interea de hac spe laeti, Apostolicam benedictionem Vobis, Eminentissimi Domini, peramanter impertimus.

Ex Aedibus Vaticanis, die 8 Septembris anno 1903.

PIUS PP. X.