61. De sancta Hargareta.

1. Regi psalmistae,
citharistae,
tibi, Christe,
iubilo psallamus,

2. Psallentes promamus

te, proruentes gaudeamus

3. Virginis athletae

ad honorem Margaretae.

4. Regis in templo
reginae
virgines astitere,

5. Pugnae exemplo
sub fine
posteris quae fuere.

6. Quarum de grege
fortis athleta
victrix exstitit
inclita Margareta,

7. Pro Dei lege
iugique vita
hosti restitit
caelica margarita.

8. O Christe, sic tuam
subole perpetuam
amplas ecclesiam,

9. Dum vitae speculo
vis hanc nasci saeculo
gentium filiam.

10. Nutrici traditur
nutrienda,
Nutricem sequitur
reverenda,
Fidelis
e caelis
rore spiritus
tingitur
imbuenda.

11. Pascit oviculas
agna Dei,
Struit tenticulas
lupus ei,
Quem vincit
et vicit
fide penitus
caritas
magnae spei.

12. Transit Olibrius
cupitque visam,
revisam
urget acrius ;

18. Eductam carcere
spirans irarum
minarum
mactat verbere.

14. Martyr levatur,
carne mactatur,
acerbis ungulis carpinatur,

15. Incarceratur,
Deum precatur,
tyrannis hostica demonstratur.

16. Draco ferox exsilivit

virginemque vivam deglutivit;

17. Signo crucis se munivit,
crepat anguis, illaesa exivit.

18. Belzes victus spernitur ;
crux Christi cernitur
promicans ab aethra ;
umbra taetra
carceris sternitur ;

19. Columbae colloquio
repletur gaudio
nil memor plagarum ;
lampadarum
dulcescit ustio.

20. Vasis in unda

vincta mergitur profunda,
salva solvitur laetabunda.

21. Praeses bacchatur,

iubet, martyr decollatur,
caelum spiritu gloriatur.

22. Athleta,

bravio freta,

iam laeta

Margareta,

ubi stas in gloria,

nobis assis memoria.

23. Sanctorum,

Christe, tuorum
corona,
dona bona
nobis aeternalia
per ipsius suffragia.