64. In Assumptione BMV.

1. Haec est sancta

2 a. Sollemnitas cunctis colenda,

2 b. Beatae Mariae dicata.

3 a. Ipsa etenim
ut gaudia

3 b. Consequeretur
caelestia,

4 a. Domini

secuta est vestigia;

4b. Adepta

idcirco caeli praemia.

5 a. Supplices iam cuius
deprecamur nobis
a te tribui suffragia,

5 b. Compotes quorum digne
mereamur aula
claraque potiri sidera.

6 a. Ubi videamus regem
beatis omnibus
donantem
a se praemia repromissa;

6 b. Quibus munerari una
alacres queamus
gratia
nobis largiatur divina.

7. Imploramus nunc, sancta
pronobis precata
Christo fundas,

8. Ut, in qua es, gloria
tecum vivamus ovantes
per diutina saecula.