67. De sancto Petro.

In 1. Nocturno.

Antiphonae.

1. Aethereos patres,

divos de lumine soles,

Bethsaidae thalamus

germano protulit ortu.

2. Hos Iudaea potens,

regali germine pompans,

Christo sub veteris

nutrivit grammate legis.

3. Ex patribus geminis

sed dum Deus infima sumpsit,

Sic ab utroque micans

dux et rex, unctio, flamen

Satiavit proceres,

per quos fera sceptra domaret.

Responsoria.

1. Fluctibus abstractis

ceduntur flumina mundi,

Turbida lucifluis

clarescantquo vadalymphis,

Unicus unde sator

Iordanis ginnat abyssos.

V. ''Benedicite, aquae omnes,

quae super eaelos sunt,

Domino.''

2. Suscipit ex merito

deitatis primus amator

Discere amantinos

Acherontis frangere traclos

Et virtute potens

regnorum ferre tridentem.

V. ''Beatus, quem elegisti et

assumpsisti, Domine,''

3. Errores primae

resecat nova gratia culpae,

Petrus in hostilem

dum vires exserit aurem ;

Nil minus id pandit

medico medicante cicatrix.

V. ''Hic sanat contritos corde et

adligat contritiones eorum.''

In 2. Nocturno.

Antiphonae.

1. Praescius omnipotens

Gallilaeae litora lustrans

Sensit in aeqooreis

splendentia lumina campis.

2. Nec mora, rex reges

creat et cognomine ditat

Et facit heredes, .

triplices disponit honores.

3. Cuius ad imperium

victricia arma capescunt

Inclita praeclaris

peragentes bella tropaeis

Et placitis firmans

pacatum legibus orbem.

Responsoria.

1. Cedens proposito

Petrus fidei pede lapso,

Unius allophilae

tremefactus voce puellae,

Quos ferat, addiscit

gratis sibi redditus illi.

''V. Cuius dum mentis moti sunt

pedes et effusi gressus.''

2. Inter divinae

quondam convivia mensae

Tres dedit audaces

confessio trina timores,

Terque regenda Petro

traduntur ovilia sancto.

V. ''Gloria et honore coronatur

et constituitur super opera

Domini.''

3. Sculpsit petra Petrum

poliens redditque quadratum

Et super hunc locat hos,

quos diva litura supernos

Mittit in usque polos

vitae solidante cemento,

V. ''Civitatem magniregis montes-

que Sion et latera aquilonis.''

In 3. Nocturno.

Antiphonae.

1. Sed dum multiplices

Petrus ferit ore penates,

Fascibus Ausoniis

invictus parcere spernit.

2. Nam, nisi victor erit,

bellator cedere nescit

Atque Saturnalem

deitatis vendicat urbem.

3. Exsequitur celebres

felix bellator agones

Hostis apostatici

dum fraudes trudit ab altis,

Arcibus ipse poli

victor vexilla reponens,

Militiae metam

superatis cladibus explens.

Responsoria.

1. Vestis panzodion

nodo religata quaterno,

Caelitus adlabens,

mundari pendula poscens

Velle Dei numen

totum signaverat orbem;

''V. Omnis carnis parati cibi et

praeparatio illorum.''

2. O virtus celebris,

quod principis umbra beati

Morbos et clades,

languores, funera, pestes

A quocumque fugat,

prisca valetudine ditat,

V. ''Ossa conturbata et mentes

saucios animasque gravatas.''

3. Laudibus insignis,

quem perpes gloria cingit,

Leges in populos

statuens velut archisenator,

Saeeli iura tenens,

regum diademata solvens,

Orantes turmas

vitiorum solve catenas,

Caelica caesareo

praetendens gaudia dono.

''V. Excrescit ut pluvia doctrina

tua, fluit ut ros eloquium

tuum.''