Sermo XVII .

Item, sermo fratris Bonaventurae coram Fratribus apud Assisium.

Mihi autem pro minimo est, ut a vobis iudicer, aut ab humano die, primae ad Corinthios quarto .

Sciendum, quod Apostolus non curabat, immo pro nihilo habebat et ducebat iudicia mundi de se vel verba hominum mundanorum; nec nos curare debemus, immo pro nihilo habere quaecumque sunt, nisi in veritate Evangelii quia ex his nostra conscientia non fit indignior ante Deum secundum Hieronymum ; quia ex his nostra vita non fit impurior ante hominem bonum, secundum Augustinum; quia ex his nostra fama non fit obscurior ante aliquem discretum, secundum Gregorium; quia ex his nostrae salutis veritas in nullo fit infirmior vel extra meritum.

Item, non debemus amare vel curare mundanorum iudicia vel eloquia prava, quia eorum potentia brevis; Ecclesiastici decimo: Omnis potentatus brevis vita.

Conscientia inanis; ad Titum primo : Inquinatae sunt eorum et mens et conscientia.

Lingua turpis; Ecclesiastae decimo : Initium verborum eius stultitia, et novissimum oris illius error pessimus.

Vito miserabilis; ad Ephesios quarto : Alienati a vita Dei per ignorantiam, quae est i n illis propter caecitatem cordis ipsorum.

Fama vilis; Proverbiorum decimo : Nomen impiorum putrescet; primi Machabaeorum secundo: Gloria eius stercus et vermis est.

Finis horribilis; Iob vigesimo primo : Ducunt in bonis dies suos et in puncto ad inferna descendunt.