68 Matrimonii

Interrogatus autem, instante defensore matrimonii, cur medicos adierit impotentiae non conscius, respondit: se eos- dem roga visse non quia conscius esset de sua impotentia, sed ut causam agnosceret, qua fiebat ut nequiret integre con- summare. Medici responderunt id evenire ex quodam naturali pudore.

Exulare in themate quamcumque collusionem vel ex eo despicitur quod mulier constanti voluntate virum rapuerit coram Tribunalibus, a quibus victor discessit, cum acriter mulieri obstitisset, et adhuc enixis viribus suam impotentiam neget.

Difficultas haud levis exurgit ex depositione iurata qua- tuor medicorum qui Mariannam retulerunt non virginem. Huic difficultati reponunt tamen Professores Romani dicentes ; ali- qua indicia corruptionis, quae a peritis iudicialibus referuntur non equidem per matrimonii consummationem, quae triginta ad minus mensibus inspectionem praecesserit, explicari posse sed omnino vel a morbo aliquo vel a recentiore aliqua mulie- ris inhonestate ea esse repetenda. Et mulier ideo audienda videtur cum eius rei causam videat, in vexationibus a viro in pudendis suis peractis, medio digitorum, cum consummare nequiverit: ex quibus morbo mulier ipsa affecta est per qua- tuor menses.

De his vexationibus testes adsunt fide digni, quibus vir ipse enarraverat dicens : « digitis aliquando usus sum ut obsta- culum removerem ad matrimonii consummationem ».

Nec silentio praetereunda exceptio est, quam mulier dedit relationi quatuor peritorum, dicens inspectionem hanc factam fuisse pauca honestate et conscientia, et institisse coram Vicario Capitulari pro nova inspectione corporum ; sed audita minime fuit. Adiecit Marianna quod inspectio in suo corpore facta fuisset a medico chirurgo, qui Nicolaum curaverat ante matri- monium ut potentem redderet, aliis tribus uni credentibus. Ast multum intererat Chirurgi operatoris deflorationem videre pro sua fama tuenda.