68 CANONICATUS

sistere videri quominus eidem beneficii institutio prae contra- dicere Petro concedatur.

Nec Francisco nocere quod idoneitas a s. Tridentina Synodo in citata Sess. 24, cap. 12 de Ref. praescripta eidem deficere op- posuerit Episcopus cum retulit Io eius ingenium tardum esse ac vix mediocre ; 2° nondum Theologiae studium incoepisse Fran- ciscum, eumque ideo non posse infra annum ad Subdiaconatus ordinem promoveri. Scitum namque esse in iure, tres in gradus scientiam distingui, nempe in eminentem, mediocrem et suffi- cientem : inque eligendis seu promovendis ad dignitates et officia ecclesiastica satis esse sufficientem scientiam reperiri, commen- surandam iuxta beneficii officia, et loci qualitates ubi benefi- ciatus vivere et conversari debet. arg. 6 in caus. SO, fin. tit. VI de elect. et electi potest. Fagnanus in C : « cum in cunctis » num. 144 eod. tit. Garcias part. 7 de benef. cap. 7, num. SS et seq. S. Cong. Conc. in Praenestina Canonicatus 16 Iunii 1787, dub. 2 tenuisse cuidam Iosepho dandam esse canonicatus insti- tutionem, licet ob ingenii tarditatem minus aptus ad sacerdo- tium videretur.

At Franciscum scientia sufficienti haud destitui : id enim erui ab Episcopi testimonio, qui eum dixit mediocri praeditum ingenio : id confirmari ex testimonio Canonici Theologi qui phi- losophiae tradendae incumbit. Quo ex testimonio non modo de Francisci profectu in philosophicis constare, sed etiam eum in praesenti s. Theologiae studiis operam dare.

Huiusmodi animadversionibus omnia exsulare in Franciscum obiecta, eique omnibus requisitis et qualitatibus a iure prae- scriptis praedito, et utili tempore praesentata, nullam obsistere pretiosam rationem cur eidem institutio concedatur prae com- petitore clerico Petro. Quamvis enim Franciscus minus sit in scientia profecturus, semper Petro praevalere non modo quia huius vocationem nimis dubiam ac incertam reddit adolescentia: verum etiam ob magnum damnum quod Cathedralis Ecclesia B in spiritualibus persentiret ; quae per temporis spatium satis lon- gum, beneficiati opera et servitio destituta remanere cogeretur.

Quibus ex animadversionibus sequi, Petro dispensationem