66. De Gaudiis BMV.

1. Lustrans orbem sol primus siderum,
Gyrum coeli firmans in cardine,
Virginalem sacravit uterum

Sumpta carne
Regens astra; Mariae puerum
Collaudemus ipsum in virgine,
Sumens sibi matris praeconium

Digna laude.

2. Paranymphus Dei archangelus
Salutavit quam sancto flamine:
Ave, inquit, plena dulcedine

Gratiarum.
Summa virtus mox sanctus spiritus
Obumbrabit in te spiramine,
Canticorum vallata carmine

Prophetarum.

3. Consensu tradito homo perficitur,
Qui carnis termino in ventre clauditur,
Nec puerperio mater corrumpitur

Manens virgo.
In noctis medio pervigil nascitur,
Miratur ratio, mater non laeditur,
De solis radio jure progreditur

Deus homo.

i. Novum sidus ortum denuntiat
Christum natum regentem saeculum,
Magi cernunt, et locum indicat,
Procidentes adorant parvulum

Vagientem.
Trinum Deum figura reserat,
Regem magnum, mortalem filium,
Aurum, myrrha et thus insinuat.
Obtulisti in templo genitum
Nondum fantem.

5. Scripturarum formans eloquium
Verbo vicit hostes est scelera,
Mortem passus calcavit tartara,

Post surrexit.
Samson frangit inferni ostium,
Gloriosus transcendit aethera,
Rex immensus promisit munera

Et ascendit.

6. Surgens, arca pellens diluvium,
Angelorum super fis agmina,
Cum assumpta per tuum filium
Contemplaris regna siderea

Gloriosa.
Novem chori canunt coelestium:
Mater Dei, coelorum domina,
Sic assume nostrum obsequium
Referentes septena gaudia

Gratiosa.