68. De sancto Donato.

In 1. Vesperis.
Antiphonae.

1. Agens diem festum Deo
Felix gaude Civitas,
Et pro martyrum trophaeo
Pange laudes debitas.
2. In quo primum fert vexillum
Donatas, sequitur illum
Venusti germanitas.

3. Silvanus et Hermogenes
sic mente counita,
Sic triumpharunt pariter
cum Romulo levita.

4. Victoriani praesidis

hos pavor nullus movet,
Quos unus tenet spiritus
et vera fides fovet.
5. Haec est vera fraternitas,
Quam tyranni protervitas
Violare nequivit,
Sed magis stabilivit.

Ad Matutinum.
Imitatorium.

Rex sublimis adoretur,
Qui creavit omnia,

Exsultando veneretur
Martyrum constantia.

In 1. Nocturno.

Antiphonae.

1. Verbum vitae seminat
intrepide Donatus,
Legem Dei nuntians
est capite truncatus.
2. Sic triumphat jam Venustus,
Frater ejus, et fit justus
Verum Deum praedicans.
3. Romulus tque Silvanus
ea morte plectuntur
Ac invocantes Dominum
caelestibus junguntur.

Responsoria.

1. Nobilis Austri civitas
Devotas tenens semitas

Martyres suos laudet,
Quam horum prece feritas
Hostis atque perversitas
Offendere non audet ;
V. Civalitana polis

de fratrum germine gaudet.

2. Hi sunt, quorum in sanguine

Agni stolae lavantur,

Qui in sanctorum agmine

Feliciter laetantur
Magnoque consolamine
Gaudentes coronantur.
V. Caelicolis juncti

cum Christo rege beantur.
3. In manu Dei vindicis

Sunt animae sanctorum,
Quas non flectunt carnificis
Genera tormentorum,
Sorti dantur justorum ;
V. Percussi gladio

conscendunt regna polorum.

In 2. Nocturno.

Antiphonae.

1. Hermogenis pia prece
Daemon fugit et a nece
Pellitur puellulae.
2. Solum Deum colere
Molaque spernere,
Volunt voto pari
Sancti coronari.
3. Martyres in Dei monte
Satiati vitae fonte
Habitant cum gloria.

Responsoria.

1. In unum habitare
Christumque praedicare
His exstitit jucundum
Et sic vincentes mundum
Sunt passi non inviti
Deoque sunt uniti,

V. Idola temnentes

gladiali fine potiti.

2. Morte procul remota

Justitiam non pavescunt,

Dempta peccati nota
Mundi mala compescunt,

Quorum sacrata vota
Nequaquam evanescunt.

V. Purgatis animis

felici pace quiescunt.
3. Ex mundanis opprobriis

Sancti nunc abstracti,
Et qui tormentis variis,

Hic fuerant confracti
Amoenis gaudent atriis

Divino zelo tacti;
V. Hinc in deriso

sunt hic spectacula facti.

In 3. Nocturno.

Antiphonae.

1. Notas fecit Dominus
sanctis vias vitae,
Quos replet laetitia
laudis infinitae.

2. Haec est generatio,

Quae Deum quaesivit,
Quae carnis supplicio
Caelum introivit.

3. Martyres gloriantes
Et in Deo laetantes

Pro nobis Christum orent
Et veniam implorent.

Responsoria.

1. Palmas ferunt martyrii
Cum triumphi vexillis
His, qui salutem impetrant,

provectis et pusillis,
Qui nobis locum praeparent
in sedibus tranquillis ;
V. Sic lux caelestis,

sic gratia fulget in illis.

2. O martyrum victoria,
Vincens Victorianum,
O qui caelesti gloria

Gaudetis, date manum
Adjutricem pro patria,
Hinc pellentes profanum ;
V. Ad statum sanum

perducite mente vesanum.

In Laudibus.
Antiphonae.

1. Deus fortitudinem
justorum probavit,
Quibus summae gloriae
sedes praeparavit.
2. Per hos invictos in agone
Concede nobis, Jesu bone,
Tibi laete servire
Et caelos introire.
3. Carne flagellati,

Ad Christum sitientes,
Martyres beati,

Nostras purgate mentes.
4. Benedicant Dominum
Omnes recti corde,

Qui per preces martyrum
Nos mundet a sorde.
5. Jam exsultans plebs fidelis

Laudet, Dominum de caelis
Pro triumpho martyrum.

In 2. Vesperis.
Ad Magnificat.

A. Magnificantes Dominum

Hodie collaetemur
Et martyrum suffragium

Devote deprecemur,
Ut eorum auxilio

Non pro culpis damnemur,
Sed in caelesti solio

Cum superis laetemur.