70 CONCORDIEN.

millia passuum in longitudinem; 15 millia in latitudinem: per circuitum vero 111 millia passuum extendatur.

Sed nedum latissimum extat huiusmodi territorium, verum insuper collibus et montibus , innumeris torrentibus, ponte maxima ex parte destitutis, ripisque praeruptis quaquaversus adeo est intercisum, ut tempore praesertim hiemali et inun- dantium imbrium ob nivis et aquarum nimiam quantitatem fere impervium evadat.

Inter huiusce paroeciae fines elapso saeculo tres praeci- pui pagi erant, nempe Clauzetto Vito d* Asio et Andamies, qui distincta municipia constituebant. Modo vero, etsi territo- rium in quinque praestantiores vicos dividatur, nam tribus prioribus paullatim duo alii accesserunt, scilicet Canale di Vito d" Asio et Canale dJ Arzino seu s. Francisci ; nihilo- minus duo sunt municipia, hinc nempe seorsim Clauzetto* il- linc una simul quatuor ceteri pagi.

Parochus quinque habet coadiutores, singuli in singulis pagis, qui in suis ecclesiis, quae baptismales sunt, manent, exceptis quibusdam solemnioribus diebus in quibus una cum Parocho ad S. Martini parochialem ecclesiam ascendunt, ut ibi sacras functiones celebrent. Parochus vero, qui in pago Clauzetto fixam sedem habet, feriatis diebus ibi habi- tat, festis vero per vices continuas huc illuc vagatur et ad singulos pagos successive se confert.

Ex. hac adeo complexa et difficili pastoralis ministerii administratione contigit, ut ab antiquis usque temporibus aemulationes et simultates inter Clauzetti et Viti cetero- rumque oppidorum incolas ortae sint : ii enim aegro animo ferebant, quod Clauzetti pagus, ex residentia parochi in dicto loco, ceteris dominaretur.

Ad huiusmodi lites et contentiones obtruncandas , cum quodlibet aliud expediens deficeret, Viti communitatis incolae identidem, ac praesertim hisce postremis temporibus, de pro- prio et independenti pastore tum ecclesiasticam, tum civilem potestatem, instanter rogare coeperunt.

Ut vero facilius voti compotes fierent, in generalibus