70 APPENDIX I.

c. Ab eodem die publicationis Concordiae, ut sacerdos sive latini sive rutheni ritus quempiam illegitime transeuntem sciens et volens ad suum aggregaverit ritum, aggregatio talis sit nulla et irrita ; et insuper sacerdos, qui hoc grave piaculum admiserit, si regularis sit, obnoxius erit poenis statutis in Constitutione Benedicti X I Y , quae incipit Deman- datam coelitus ( i); si vero sit e clero saeculari sive parochus sive operarius, prima vice spiritus recollectionibus octo dierum, secunda vice quatuordecim dierum, tertia demum vice suspensione a divinis ipso facto incurrenda, et pro casus gravitate etiam beneficii privatione, si parochus est, praevio processu iudiciali; si operarius, inhabilitatione per triennium ad curatum beneficium obtinendum puniatur. Quod si quispiam, celato nativo ritu, fidelibus alterius ritus se iungeret, et a sacerdote alterius arbitrario assumpti ritus obsequia spiritualia expeteret et obtineret, subdolus ille actus, licet post decursum plurium annorum in lucem demum prodierit, sit nullus et irritus; sacerdos tamen qui advenam suis ovibus inscius adnumerabat, insons declaretur, et nonnisi eumdem ad ritum nativum relegare teneatur. Si vero etiam indubitata de nativo advenae ritu obtenta notitia, obsequia spiritualia eidem prae- stare pergeret, iam sciens et volens talem advenam suo gregi adnu- merare nititur; hinc poenis superius positis subiiciendus est ».

(1) In hac Constitutione (24 Dec. 1743) qua nonnulla statuuntur circa ritus

graecorum melchitarum, haec habentur: « Curent praeterea (missionarii) ut omnia

» laudabilia Ecclesiae graecae instituta ab antiqua Patrum traditione derivata, et

» Apostolica comprobatione firmata, in suo vigore permaneant, atque a fidelibus

» istius nationis integre executioni tradantur; neque aliquid iisdem suggerere aut

» suadere audeant quod illorum contemptum atque imminutionem inducere possit ;

» multoque minus auctoritate propria aliquid circa illa innovare,' aut etiam super

» iisdem aliquam dispensationem concedere vel admittere praesumant. Alioquin

» praeter distinctam, quam Deo, Nobis, suisque superioribus (quos de urgenda hu-

» ius decreti observantia peculiariter oneramus) rationem reddent, sciant se harum

» Litterarum vigore privationem vocis activae et passivae, et inhabilitationem ad

» quemcumque gradum ei officium in suis respective Ordinibus, Institutis et Con-

» gregationibus ipso facio incursuros ».