67. De s. Nicolao Myrensi.

1. ''Laude condignissima
''dies annua
reddit gaudia
praesentia,

2. ''Quae caeli agmina
''instantissima
semper celebrant
frequentia.

3. Hanc Nicolai pontificis 4,

Christus consecrat ex meritis,

Ut precibus fidelissimis
ipsum rogitet pro servulis.

5. Hic matre progenitus Graecia
Infantia

degens innocentissima
artabat iam corpori lora
spiritus imponens iura
luxusque domabat media.

6. Ipsum vox praestituit caelica
Antistitem

Myreae signis praecluem,
qui prior, quae docuit, fecit,
subditos ut pastor regens,
non ut mercenarius neglegens.

7. Defensor cunctorum
hic miserorum
condemnatos iuvenes
eripuit tres.

8. Cum haec et talia
studuit plura,
senectutis integros
attigit annos.

9. Tactus morte corporis

spiritum vitae remisit caelis
laetaturum sedulo
patrio regno.

10. Eius tumbae marmore

oleum mox coepit emanare
salus aegritudinum
multigenarum.

11. Oramus, sanctissime
praesulum,
te supplici voto,
tu nostros precatus
suggere Deo,

12. Ut ipsius gratia
per tua
praesentia festa
deleantur cuncta
crimina nostra.