70. De sancto Donato.

In 1. Vesperis.
Antipbonae.

1. Splendor stellae, clarae lucis
Rutilat serenitas,
Cum Donati, nostri ducis,
Agitur sollemnitas.
2. Fulgens vitae sanctitate
Claret et natalibus,
Lucens vera castitate
Nitet mirabilibus.
8. Hunc baptismi chrismate
Consecrat Pigmenius,
Legis quoque dogmate
Docet ipsum plenius.

4. Quaerens justum Julianus
Compulit Aretium,

Tenens hunc Hilarianus,
Suscipit martyrium.
5. Martyr inclite Donate,
Miseris refugium,

Nobis dona tibi datae
Gratiae solatia.

Ad Magnificat.

A. Fonte aquae tabidum,
Labe mortis sordidum

Sanaturus vadit,
Draco mox egreditur,
Et asellus nectitur,

Eum et invadit,
Crucis tamen opere
Et flagelli verbere

Caesus morte cadit.

Ad Matutinum.
Invitatorium.

Christum regem adoremus
Psalmis jubilantes

Et Donatum honoremus
Laudibus laetantes.

In 1. Nocturno.
Antiphonae.

1. Peccatorum cathedra

Sanctus hic non sedit,
Tollitur ad aethera
Mundo dum recedit.
2. Fremuerunt populi
Convenerunt gentes,
Convertuntur aemuli,
Collustrantur mentes.
3. Cum precatur, exaudisti
Servum tuum, Domine,
A timore protexisti
Caesum tuo nomine.

Responsoria.

1. Nobili prosapia
Dei dono gratus
Urbe Nicomedia

Oritur Donatus,
Moritur in Tuscia
Caelo coronatus ;
V. Pellitur parentibus
Haerens Christi legibus
Deo consecratus.
2. Luce carens corporali
Sed et lumine mentali

Idolis intendens,
Dum Seranno credidit,
Idola mox prodidit
Monitis attendens ;
V. Sacro fonte baptizatur,
Luce claro perlustratur
Christo regi credens.
3. Juvenis Asterius
Dum vexatur acrius
Daemone maligno,

Cogit Christi nomine
Almae crucis lumine

Coruscante signo ;
V. Statim daemon pellitur,
Aeger dum contingitur

Digito benigno.

In 2. Nocturno.

Antiphonae.

1. Invocantem exaudivit

Sanctum et mirificavit,
Furens populus adivit,
Christo dum sacrificavit.
2. Verba sancti percipe,
Christe, supplicantis,
Integrari praecipe
Fractum os orantis.

3. Nomen tuum, Domine,
Cunctis est mirabile,
Fertur bene cardine
Calicis notabile.

Responsoria.

1. Ignis ardor cruciat,
Qui de cruce radiat,

Daemonem furentem,
Dum puellam liberat
Sanctus, unde venerat
Cogit renitentem ;
V. Interventum protulit,
Dum exire compulit
Transitum petentem.
2. Crucis Christi clarum signum
Per Donatum laude dignum

Ornat urbis moenia,
Imae plebis et primatum
Sacri fontis candidatum
Sumunt plura milia ;
V. Imperator, imperatrix,
Horum plebes imitatrix
Stupent mirabilia.
3. Adorare numina,
Ponere libamina
Sanctus dedignatur,

Tunditur lapidibus
Impiorum manibus,

Carcere locatur ;
V. Sacro caeso vertice
Coram Christo judice

Caelo collocatur.

In 3. Nocturno.

Aatiphonae.

1. Hic in Domino confidit,
Gentes dum insaniunt,
Doli fraudes dum elidit
Deo se subjiciunt.
2. Habitabit, Domine,

In monte sancto tuo
Puritatis lumine
Nitens Deo suo.
3. In virtute tua, Christe,
Sanctum coronasti,
Dum glorificat te iste,
Ipsum sublimasti.

Responsoria.

1. Clara turba testium
Pro Christo certantium

Cum Donato sternitur,
Quidam caeso capite,
Fixi plures stipite,
Hic truncatus caeditur;
V. Sancti oratoriam
Horum coemeterium
Fossa petra cernitur.
2. Odor fragrat incensorum,
Fit concursus populorum,

Sanctus dum transfertur,
Promuntur oracula,
Sequuntur miracula,
Canticis defertur ;
V. G-loriosae virginis
Matris Dei germinis
Atriis infertur.
3. Divinum mysterium
Conficit Donatus,
Vitae participium
Didicit beatus,

Calicis excidium

Cernit anxiatus ;
V. Precis sumens instrumenta
Jungit calicis fragmenta

Cunctis honoratus.

4. Turbata provincia,
Absumpta pecunia

Consocia moritur,
Dum viro supplicia
Parantur immania,
Donatus consulitur ;
7. Procedit ad tumulum,
Per vocis oraculum
Thesaurus ostenditur.

5. Sequitur Antidia,
Pii regis filia,

Sanctum Christi famulum,
Aulam spernens regiam,
Sequens pudicitiam
Vitae servat speculum ;
V. Sanctis facta socia
Ornant mirabilia

Ejus clarum tumulum.

6. Quasi stellae lucidae
Gemmae quoque fulgidae

Martyris sacrati

Ad honoris cumulum

Ornant sancti tumulum

Undique locati ;

V. Tenent caput splendidum

Super pectus nitidum

Brachia beati.

7. Ante sancti tumulum
Clarum lucis vasculum
Solo dum colliditur,
Lampas luce fulgida
Oleoque turgida
Integra colligitur;
V. Lumen Dei caelicum

Vas collustrans sphaericum
Saepius adspicitur.

In Lau dibus.
Antiphonae.
1. Christus Dominus regnavit
Nitens fortitudine

Et Donatum coronavit
Roborans certamine.
2. Fide vacuos parentes,
Quos Donatus instruit,
Christi laude persistentes
Julianus obruit.
3. Pars dum quaedam calicis
Daemone furatur,
Nulla tamen laticis
Fusio probatur.
4. Pactum gentes faciunt
Pluviae dilatae,
Copiam mox fugiunt
Aquae postulatac.
5. Fontis poculum sanati

Dum formidant sumere,
Novi potum petra nati
Praecipit accipere.
Ad Benedictus.
A. Reprobatur instrumentum,
Dum vetatur monumentum

Homini exstincto,
Sorte mortis revocatus
Damnat falsam vera fatus

Sermone distincto,
Mandat sanctus obdormire
Et ad requiem transire
Ire jam praecincto.

In 2. Vesperis.
Antiphonae.
1. De quaiiana dire tactus
Tumba dum prosternitur,

Stat sacerdos sanus factus,
Festum dum peragitur.

2. Dum matrona nobilis
Genu cruciatur,
Tumbae venerabilis
Tactu mox sanatur.

3. Mulier dum labitur,
Creditur defuncta,
Sana mox erigitur
Grata vice iuncta.

4. Membra fert arentia,

Tumbam dum complectitur,
Mulier Florentia
Liberata cernitur.

5. O Donate, pastor gregis,
Da vitae solatium
Et videre vultum regis,
Beatorum praemium.

Ad Magnificat.

A. Christi martyr, tu Donatus,
Plebis doctor et beatus

Castitatis lilio ;
Sanctitatis implens statum,
Trinum meruit ornatum

In caelesti praemio,
Lacte fluxit pietatis,
Donet ergo claritatis

Nos frui palatio.