Matrimonii 71

II. Quoad intrinsecam iudicii formam, primo requiri iudicem esse competentem, seu certa praeditum esse iurisdictione; quoad extrínsecas iuris solemnitates requiri sententiam diffi- nitivam a iudice proferri publice non in secreto loco, utraque parte legitime citata et praesente, non in die feriato, neque alio die ad quem citatio facta sit.

III. Hisce omnibus, tum intrinsecis, tum extrinsecis deficien- tibus, nedum sententiam, sed neque sententiae nomen adesse, a qua appellare non oportet, et quae nullum praeiudicium afferre potest.

IV. In themate multa defuisse tum quoad intrinseca, tum quoad extrinseca requisita ; propter quae Curiarum sententiae haberi possent ceu rite prolatae.

V. Dubitari enim posse utrum iudex pro cognoscendis causis matrimonialibus delegari possit a Vicario Capitulari dum ex sententia nonnullorum DD. transeat in Vicarium Capi- tularem nudum iurisdictionis exercitium, iurisdictio vero maneat penes Capitulum.

VI. Et re quidem vera Tridentinum Capitulo in istorum sententia non abstulisset nec imminuisset aut immutavisset devolutam ad Vicarium Capitularem iurisdictionem; sed solum praecepisset modum ea iurisdictione utendi, vel eam exercendi per Vicarium a se electum.

VII. Matrimonium manere ratum, dicique non posse con- summatum fuisse, non obstante penetratione claustri, sine tamen seminum commixtione ; quae si adfuerit, etiam in tenui quantitate matrimonium consummatum reddit.

VIII. Maiores requiri probationes pro nullitate matrimonii decernenda per viam iustitiae, quam pro dispensationis gratia obtinenda; itaque probatu difficilius est impedimentum impo- tentiae, ad nullum renunciandum ex iustitia matrimonium, quam evincere inconsummationem matrimonii ad gratiam dispensationis obtinendam.

IX. Matrimonium haud consummatum fuisse evincitur ex coniugum et septimae manus iuramento, et ex experimento virgi-