TARNOVIEN. 71

eo excluso, animadvertere placuit quod iura maioritatem votorum ad effectum electionis iubentia, et vicissim medie- tatem seu paritatem votorum exc! udenti a, absolute, absque ulla distinctione loquuntur : ubi autem lex non distinguit neque nos distinguere debemus.

Ast insuper iuxta hypothesim, quam facit Glossa in cap. Cumana 50 De elect. verb. Ad maiorem partem, casus in terminis est ibi decisus, et quidem negativo sensu, ita nempe ut maioritas intelligenda esset comprehenso quoque ipso electo.

Congruit ipsa naturalis luminis ratio. Quandoquidem si ille qui praesens est in comitiis , et suffragatur , non fo- ret in numeratione votorum computandus in hypothesi suae electionis, iam ipse duplicem personam, gereret, praesentis ac suffraga ntis simulque et absentis : repugnat autem unum eumdemque in uno eodemque actu diversam oppositamque personam gerere, iuxta id etiam quod statuit L. Cum qui ff. De usu cap., L. 2 ff. De stip. serv., cap. Debitum De bapt. Ipse enim existeret ac numeraretur pro aliis, non adesset neque numeraretur relate ad semetipsum : et sic quando essent, puta, 12 praesentes et ageretur de eligendo extraneo, 7 vota pro eo exquirerentur ; ast si candidatus esset praesens, cum sex votis eius nominatio subsisteret: ac proinde is numerum faceret, vel non faceret, iuxta suum commodum atque utilitatem.

Insuper per theoriam quod ex numero electorum sit dedu- cenda persona ipsius electi, privilegium speciale pro praesenti- bus constitueretur. Ast privilegia non sunt asserenda sed sunt evincenda. Imo si dicta theoria admittatur, in posterum quo- ties electores essent numero pares (in disparitate enim suffra- gantium alia res esset) et ageretur de nominando aliquo ex praesentibus (ut solet ac debet fieri plerumque pro officiis capitularibus) iam quilibet qui obtineret medietatem voto- rum ex omnibus praesentibus esset electus : deducta enim persona ipsius electi, medietas fieret maioritas : quod vide- tur contradicere iuribus superius allegatis.