68. In Assumptione BMV.

la. Ave, decus angelorum
Et cunctorum electorum.
Dei mater nobilis.

1b. Tu es virgo semper pura

Et a cuncta crcatura

Potius laudabilis.

2 a. Tu es arbor, quae portasti,
Tu es mater, quae Iactasti
Regem regum Dominum.

2b. Benedicta tu fuisti,

Quae per fidem concepisti
Redemptorem hominum.

3 a. Per te datur vitae fructus,
Et cessavit irae luctus,
Et viget laetitia.

3 b. Sola tenes principatum
Et per Deum dominatum
In caelesti curia.

4 a. Te collaudat angelorum
Chorus et apostolorum
Caterva dominica.

4b. Te martyres venerantur,
Confessores famulantur
Cum turba prophetica.

5 a. Coetus mundi puellarum,
Virginum et viduarum
Agunt tibi choreas,

5b. Quia per te sunt adeptae
Caeli regnum et receptae
Ad regales nuptias.

6 a. De hoc mundo conscendisti
Super caelos, dum sumpsisti
De labore praemium.

6b. Virgo, mater, recepisti
De manibus Iesu Christi
Diadema regium.

7 a. Ergo, pia mediatrix,
Peccatorum miseratrix,
Tuum roga filium,

7 h. Ut post vitae nostrae cursum
Nos assumat secum sursum
Ad caeleste gaudium.