69. De Gaudiis BMV.

Gaudia bis dena, mater dulcedine plena
Virgoque sensisti, terris dum viva fuisti,
Poplite quae flexo recitandoque pie texo.

1. Gaude, virgo mater Christi,
Quae per aurem concepisti

Gabriele nuntio,
Gaude, praeguans absque luctu,
Divino referta fructu,
Carnis carens vitio.

2. Gaude, luminis lucerna,
Cui congaudet interna

Cognatae devotio.
Gaude, lumen in te clausum
Nosti per Johannis plausum
Clausi ventris atrio.

3. Gaude, quia Deo plena
Peperisti sine poena

Cum pudoris lilio.
Gaude, parens florem florum,
Quem pastores tam decorum

Norunt in praesepio.

4. Gaude, coetus quod coelestis
Psallit gaudens et fit testis

Tanto puerperio.
Gaude, sacro lacte pascens
Hunc, qui ab aeterno nascens

Tuo ludit gremio.

5. Gaude, nova luce data,
Novae stellae nuntiata

Gentibus indicio.
Gaude, natum regem poli
Deum per tres reges coli

Munere trifario.

6. Gaude, puerum divinum
Munus acceptantem trinum

Triplici mysterio.
Gaude Christum, amplexatum
Brachiis, Deum probatum
Thuris ministerio.

7. Gaude, prolem nam ostendit
Summum regem, quae prae-
tendit,
Auri praesentatio.
Gaude, myrrha cum donatur
Christus homo, qua signatur
Hominis salvatio.

8. Gaude, Dei salutare
Per te ferri ad altare

Legis ex imperio.
Gaude, quia tui nati,
Quem dolebas mortem pati,

Fulget resurrectio.

9. Gaude, quod omnipotentem
Prima nosti resurgentem

Fidei praesagio.
Gaude Christo ascendente,
Qui ad coelos te vidente

Fertur motu proprio.

10. Gaude, te coelestem fecit
Et omne triste abjecit

Pneumatis infusio.
Gaude, quod nec hic viventi
Tibi nec mundo cedenti

Obfuit tentatio.

11. Gaude, quod post Christum scandis
Et est honor tibi grandis

In coeli palatio,
Ubi fructu ventris tui
Per te nobis detur frui

In perenni gaudio.