73' Acta Apostolicae Sedis - Commentarium Officiale

poralibus directo subiecit, feliciter expertum est haud pauca emolumenta

beneñciaque obvenisse, quae inter commemoranda sunt et aucta, per Au-

ctoritatem Pontificiam, Basilicae dignitas, et animarum bonum uberius

provectum, ope Religiosorum, qui Basilicae modo deserviunt atque toti

incumbunt spirituali curae et adsistentiae fidelium, praesertim peregri-

norum, qui pie ac frequenter ad Sanctuarium accedunt.

Quo vero de his, quae supra memorata sunt, beneficiis ii plenius par-

ticipent, qui Mariali Basilicae propiores exstant, idem Ssmus Dominus

Noster, apostolicae potestatis plenitudine, suppleto quatenus opus sit

interesse habentium vel habere praesumentium consensu, vi praesentis

Consistorialis Decreti, benigne statuit ut iurisdictio Administratoris

Pontificii Basilicae Lauretanae ad territorium Lauretanae civitatis eius-

que districtus, iuxta praesentes fines civiles, quod ad dioecesim Reci-

netensem-Lauretanam pertinet, exstendatur, totaliter suspensa proinde,

durante Administratione Pontificia, super eodem territorio, iurisdictione

Ordinarii Recinetensis-Lauretani.

Ipsius igitur Pontificii Administratoris erit fideles omnes, qui prae-

fatum territorium incolunt, regere eadem quidem potestate iisdemque

facultatibus ac Episcopi residentiales; quin tamen legi residentiae, quo-

usque praesentia adiuncta perduraverint, teneatur.

Vicario autem Administrationis Pontificiae, charactere episcopali in-

signito, munus competat ea omnia officia implendi quae Vicarii Genera-

lis, ad normam iuris communis, sunt propria; necnon, absente Ponti-

ficio Administratore, functiones in Basilica peragendi, quibus Ordinarius

tenetur.

Ad curam insuper animarum rite moderandam Pontificius Admini-

strator curabit paroeciarum fines in territorio, de quo agitur, circum-

scribendos prout bonum animarum exspostulaverit, novamque ecclesiam,

S. Annae Genitrici B. M. V. dicandam, apud viae ferreae stationem,

sumptibus quos Ipsa Sanctitas Sua ad id elargita est, exstruendam; ad

easdem vero paroecias administrandas eisdemque inserviendum, atque

ad alia ecclesiastica officia persolvenda ius habebit vocandi quos vali-

diores reputaverit, inter sacerdotes Capituli Lauretani, iuniores potis-

simum, qui a chorali servitio exonerati fuerunt.

Cum denique dioecesis Recinetensis-Lauretana ab onere curae ani-

marum in territorio Lauretano relevata sit, cessabit a data praesentis

Decreti annuum subsidium, quod Administratio Pontificia Mensae Epi-

scopali eiusdem dioecesis hactenus erogat.

Ad haec autem exsecutioni mandanda Sanctitas Sua deputat eumdem

Pontificium Administratorem, Excmum P. D. Franciscum Borgongini-