72

CARTHAGINEN.

DISTRIBUTIONUM

Die 11 Aprilis 1891. Cap. 1 sess. 5 De inst. lect. De Script.

COMPENDIUM FACTI. Quadraginta abhinc annis mos penes Carthaginensem ecclesiam invaluerat, ut canonicus theolo- gus, qui, loco lectionis scripturalis in cathedrali, hermeneu- ticam sacram in dioecesano seminario tradit, stipendium lib. 825 quotannis, propter huiusmodi laborem ab eodem Se- minario perciperet, et nihilominus quotidianas chori distri- butiones, licet absens, assequeretur iis diebus quibus lectio- nes habebat.

Affirmat capitulum se hucusque ignoravisse hac peculiari mercede theologum fuisse auctum ; « ast certissimum est, utor Episcopi verbis, si non forsan capitulum, id optime no- visse canonicos : praeter duos enim consiliarios disciplinae, quos appellant, ac duos ex quatuor deputatis ad oeconomi- cam seminarii administrationem, qui iuxta decretum Conc. Trid. semper e gremio capituli assumuntur, canonicus fere semper fuit rector seu moderator seminarii, canonicus quo- que eiusdem oeconomus generalis, canonici pariter cancellarii curiae episcopalis, qui quidem omnes pro munere suo super oeconomica administratione seminarii intelligebant, adeoque illos nullo modo latere potuit pensio assignata ex reditibus eiusdem seminarii canonico theologo. >

Quidquid sit, nuper capitulum in nova statutorum con- fectione ad art. 34 n. 9 haec decernebat: « Theologus ut praesens reputabitur in choro pro integro die quo lectionem habuerit in cathedrali ; sed pro horis respectivis tantum, si mane vel sero legerit in seminario, aeque ac ceteri canonici qui ex mandato Episcopi ibi munus magistri obierint; sed nullus ex his lucrabitur distributiones si pro labore merce- dem vel gratificationem perceperint. »

Ast Episcopus, cui nova capitularia statuta fuerunt de- lata, ut ea iuxta iuris praescripta cognosceret suaque aucto-