69. De sancto Pantaleone.

1. Celsa lux Sion,

ave, martyr Pantaleon,

2. Clare lucifer, qui puer
senatorem patrem
spernis idolatram,

3. Summi filius ut patris
esses praedulcis
adoptivus in caelis.

4. Athleta quam fortis
iussa regis
tu contemnis
Maximiani principis,

5. Vexilla Domini
crucis alma
nunc secutus,
pulchra sanctorum curia !

6. Iussus artem
tu medicinae
corporalis
edoceri docilis

7. Morbos curas,
mentes informas,
praepotens
divino medicamine.

8. Puer purus

ac benivolus,

mitis, clemens, miserieors

9. Vinculatum

solvis puerum

serpentino ligamine.

10. Vas electionis futurus,
omni sorde purgatus,

11. Sumpsisti pneumatis munera
dignus ante baptisma.

12. Erroribus gentilem
emancipans parentem
sana fide perenni
reddis parenti,

13. Et medicos deterrens
tu aemulos prosternis
paralytici gressu
caecique. visu.

14. Ignis incendium

superas fide flammivomum,

15. Despicis ferarum

morsus victor ferocium.

16. O gemma

martyrum splendida,
cunctis portus
salutis,
candelabrum lucis,

17. Qui mari

deditus ac rotae
colligatus
es tandem
ense decollatus,

18. Nos commenda, nos proprios
regi regum servulos,

19. Quo nos tecum in caelorum
ducat clemens regiam,

20. In qua sibi

laus est aeterna.