70. Hymnus alius super eodem.

1. Deum amore diligas,
Eius serva tu mandata,
Deum subiecte timeas,
Et sit anima mundata,
Tu fratrem non abicias,
Sed sit caritas beata.

2. Non iudices tu proximum
Nec eius mala detegas,
Sed ipsum ama nimium
Fratremque fide protegas,
Da sibique praesidium,
Sicut te ipsum diligas.

3. Non eget, qui dat pauperi,
Qui seminat, recolligit,
Lucratur, qui dat inopi,
Beatus vir, qui subvenit,
Et hic adhaeret lumini,
Qui litem fratris dirimit.

i. Caritatem habeamus
Deum nostrum diligentes,
Deum sanctum timeamus,
Simus proximum amantes,
Nos ad Deum redeamus
Paenitentiam agentes.

5. Manet caritas perfecta
In corde ac in labiis,
Sit intentioque recta
In actu boni operis,
Sit dilectio dilecta
In proximi suffragiis.

6. In caelo est hilaritas,
Cantusque semper canitur,
In ipso, qui est claritas,
Caelum virtute scanditur,
In terris est adversitas,
Dolorque labor nascitur.