72. De sancto Richario.

In 1. Vesperis.
Ad Magnificat.

A. Rector orbis et redemptor,
nostra dele crimina,

Qui sancti tui Richarii
laetamur praesentia,

Cuius pro nobis, rogamus,
assit intercessio.

In 1. Nocturno.
Responsoria.

1. Dilectus est in omnibus
Et laudibus et actibus
Et modo suis meritis
Praesidium [est] populis,
V. Confessor fuit inclitus
Et clarus in virtutibus.

2. Cum quidam claudus parvulus,
Privatus suis gressibus,
Sancti sepulcrum Richarii
Contigisset fide [bona],
Sanatus est continuo,

V. ''Fide munda qui ad eum
convenerat et puro oosecra-
verat corde.''

3. Dum vincti viam transeunt
Catenis collo subditis
Sanctum precantes Richarium,
Protinus saeva illius
Meritis vincla solvuntur)

V. Efferimus (inquiunt) te laudibus,
Ut tuis nos suffragiis
Liberes a piaculis.

In 2. Nocturno.
Responsoria.

1. Dum saeva quondam patriam
Clades voraret, plurimos

Oppressit, quosdam graviter,
Sancti Dei de famulis,
Sed eius sacri tumuli
Tactu salutem capiunt.
V. ''Fide munda quotquot ad eum
confugerant et puro obsecra-
verant corde, nullus ex eis
periit.''

2. Richari, tu nostrum decus,
Fretus divino oraculo
Tu contempsisti saeculum
Et invenisti Dominum ;

V. Paupertas tibi placuit,
Mundi pompa displicuit,
Non tibi quidquam defuit;
Mens tua Deum habuit.

3. Verbis fultus et sensibus
Et dogmatum mysteriis,
Repletus [donis] supernis
Et pietate exstitit,
Cuius ante mausoleum
Taetri fugantur daemones.

V. O (pretiosa) sacerdotum gloria,
O magna lux ecclesiae!

In 3. Nocturno.
Responsoria.

1. Confessor Christi fueras
Et saeculum contempseras,
Sequendo evangelium
Scandisti caelum arduum,

V. O Richari, decus nostrum,
Fretus divino oraculo.

2. Efferimus te laudibus,
[O] sancte pastor Richari,
Et postulamus precibus,
Ut tuis nos suffragiis
Liberes a piaculis,

V. Dilectus Deo in omnibus
Et laudibus et actibus (tuis)
Profusis te gemitibus
Imploramus [et] precibus.

3. (Sancte) Ricjiari, Christi

confessor,

Audi rogantes servulos

Et impetratam caelitus

Tu defer indulgentiam.

V. O sancte Richari, sidus aureum,
Domini gratia servorum gemitus
Solita suscipe clementia.

In Laudibus.
Super Psalmos,

A. Debilis ad sancti

veniebat saepe sepulcrum,
Quidam contractus

meritis salvatus est eius.

Ad Horas.
Ad Tertiam.

A. Qua moriebantur

plures, dum peste laborat,
Frater salvatur,

tumulum dum contigit eius.

Ad Sextam.

A. Vir sanctus Domino

fundens pia verba precatur,
Produxit fontem

sterili de caespite vivum.

Alia Antiphona.

Verbis fuit et sensibus
Et dogmatum mysteriis
Dei repletus spiritu
Et pietate utilis.

Ad Nonam.

A. Nexus culparum

nostrarum solve, redemptor.
Qui sancti meritis
rupisti vincula ferri.

Alia Antiphona.

Confessor Christi fueras
Et saeculum contempseras,
Sequendo evangelium
Scandisti caelum arduam.

In 2. Vesperis.
Ad Magnificat.

A. Interventu, Christe, sancti

poscimus Richarii,
Nos ab omnibus noxiis

absolve reatibus,
Ad caelum quem sublimasti

floridum virtutibus.

In Commemoratione Sancti.
Die Dominica.

A. In terris merito

te christicolae venerantur,
Caelica quem socium
laetatur habere caterva.

Feria secunda.

A. Votis supplicibus

te, pastor sancte, rogamus,
Commenda Christo,
quos doctrinis genuisti.

Sabbato.

A. Iam regnaturus

cum Christo celsa petisti,
Ora pro nobis,

ne detineamur ab imis.