70. De Gaudiis BMV.

1. Gaude, virgo Dei mater,
ab angelo salutata,
Gaude, sentiens infantem,
virgo verto gravidata.
2. Gaude, gaudens in montibus
Elisabet visitando,
Gaude, virgo salvatorem,
sine poena pariendo.
3. Gaude, pastores intuens
natum tuum adorantes,
Gaude magos inspiciens
trina dona offerentes.
4. Gaude, cum justus Simeon
prophetavit de filio,
Gaude, quando regressa es
de Aegypti exsilio.

5. Gaude, cum inter Judaeos
templi reperis filium,
Gaude cernens aquam vino
mutantem ad convivium.
6. Gaude, cum sanat languidos
mortuosque resuscitat
Et quinque mille hominum
expensis escis visitat.
7. Gaude, quando vides eum
a mortuis resurgere,
Gaude, cum vidisti natum
ad coelos ascendere.
8. Gaude, quando discipulis

sanctum transmisit spiritum,
Gaude, secum stans in coelis
habens coronae meritum.

9. Virgo, regina coelorum,
tanta possidens gaudia,
Fac tuorum gaudiorum
nos consortes in gloria.