QUAESTIO I.

Utrum mali Angeli possunt paenitere ?

Alens. 3. p. q. I . m. 2. a. 2. 1). Thom. I . p. a. 64. a. 2. et hic q. I. a. 2. D. Bonav. a. I. q. I . Richard. art. 2, q. I . et 2. Gregor. q. I . Henrio. quod I. 8. q. 11. Vasq. I. p. d. 241. Scot. in Oxon. quaest, unica.

Circa hanc distinctionem septimara quaeritur primo : Utrum mali Angeli possunt paenitere ? Quod sic. Sapientiae 5. Paenitentiam agentes, prae angustia gementes.

Item, Augustinus 14. de Trinit. 8. Eo imago quo capax ; sed in his remanet Dei imago ; ergo ejus possunt participes esse ; sed non nisi paenitendo ; igitur, etc.

Item, Anselmus de Libero arbitrio, cap. 10. Libertas est potestas servandi rectitudinem propter se ; igitur cum damnati habeant libertatem, possunt servare rectitudinem propter se ; igitur paenitere.

Item : Nullum violentum perpetuum, primo de Caelo, text. 15. peccatum est violentum, quia contra naturam, secundum Damascenum, lib. 2. cap. 9.

Oppositum, quod in hominibus fuit mors, in Angelis fuit casus, secundum Damascenum lib. 2. orthodoxae fidei, cap. 4. igitur sicut homo post mortem non potest paenitere, sic nec Angelus post casum.