70. In Assumptione BMV.

1. Ave, dies mirifica,
In qua mater magnifica

2 a. Reliquit diem poenosum
Et invenit gaudiosum
In regno caelestium.

2 b. Non sensit mortis dolorem,
Quae servaverat pudorem
Generando filium.

3 a. Christus eam accersitur
Et dulciter adloquitur
Dicens: "Mater Maria,

3 b. Mortem nunquam abhorreas

Neque daemones timeas

In mea praesentia.

4 a. Ego semper tecum ero,
Amodo non te desero,
Mater dulcis et pia;

4b. Animam tuam portabo
Et iuxta me collocabo
In caelesti curia;

5 a. Apostoli nunc astabunt
Et exsequias parabunt
Cum maxima gloria."

5 b. Et tunc animam reddidit
Et suo nato tradidit
In pace suaviter.

6 a. Statim Iesus, rex caelorum,
In conspectu angelorum
Assumpsit humiliter

6 b. Animam virginis matris
Et in throno sui patris
Collocavit dulciter.

7 a. Ubi, Maria, laetaris,

Super cunctos principans
Ordines caelestium.

7 b. Ibi regnas cum gaudio
In creatoris solio,
Imperatrix omnium.

8. Ibi tecum benedictus fructus
Ventris tui, apud quem pro nobis
Intercede semper, dulcis virgo
Maria.