73. De sancto Severo.

In 1. Vesperis.
Super Psalmos.

A. Gloria sanctorum,

Deus, accipevotaprecantum
Nosque tuas laudes

in Severo venerantes
Respice placatus

nostros solvendo reatus.

Ad Magnificat.

A. Magnificemus in excelsis

Christum venerantes,
Qui sanctum Severum

in sede locavit Olympi,
Angelico fruitur

ibinuncdiademategaudens;
Unde, pater, humiles

odas tu respice nostras.

In 1. Nocturno.
R esponsoria.

1, O Severe gloriose,
Servis tuis condescende,
Sub obtentu meritorum
Solvens nexus delictorum.

V. Post vitae cursum

trahe nos ad gaudia sursum.

2. Mellifluum florem,

divino rore madentem,
Sicut apis studio

mellis, sic quique frequentant
Severum praesulem

vitae documenta docentem,
V. Ut gelidos fontes

cervi quaerunt sitientes.

In 2. Nocturno.
Responsoria.

1. Rex caelorum, pie Deus,
Ad te spectat laus illius,
Tu per eum nobis parce
Ac redemptis miserere.
V. Plasma tuum, Christe,

defende benignus ab hoste.

2. Sancte Severe, Christi praesul,
Audi rogantes servulos
Et impetratam (nobis) caelitus
Tu defer indulgentiam.

V. 0sancte Severe, sidus aureum,
Domini gratia servorum gemitus
Solita suscipe clementia.

In 3. Nocturno.
Antiphonae.

1. Ad hunc montem suspirare
Fac nos, pater sanctissime,

Ut exutos carne gravi
Excipiat aula caeli.

Responsoria.

1. Miles Christi gloriose,

Severe sanctissime,

Tuo pio interventu

Culpas nostras ablue,
V. Ut caelestis regni sedem

Valeamus scandere.

In Laudibus.
Antiphonae.

1. Induit omnipotens

virtutum cyclade sanctum
Severum, pietatis opus
de corde sequentem.

2. Servivit Domino

sanctus pangendo sacerdos
Et meruit penetrare
polorum regna beata.

3. Aurora croceo

clari sub tegmine solis
Pausante hic psallebat
ovanter carmina Christo.

4. Pervigili sanctus

cura Severus ovile
Christi comissumque gregem
sine labe regebat.

5, Laudibus omnigenis

confessor corde canebat,
Ore etiam Domino

psallens non deficiebat.

Ad Benedictus.

A. O Severe, tuis,

pie pastor, caelitus assis,
Te memorem nostri

faciat clementia Christi,
Ac per eam, Christe,

nobis, petimus, miserere.

In 2. Vesperis.
Super Psalmos.

A. Hic athleta tuus,

celebris pietate patronus,
Post invictorum

certamina plena laborum
Migrat ad aethereas

hodie gaudendo choreas.

Ad Magnificat.

A. Exsultemus Deo omnes
Hunc in sanctis collaudantes ;
O Severe sacer, ave,
Preces audi, culpas dele,
Nos his festis fac adesse
Et aeternis non deesse.