QUAESTIO II.

Utrum Angelus damnatus necessario permaneat m peccato ?

Vide Doctores citatos quaestione prima.

Quod non, quia secundum Anselmum 4. de libero arbitrio, posse peccare non est liberi arbitrii, nec pars ejus.

Item, si necessario permaneat in peccato ; igitur continue addit peccatum peccato, et sic cresceret paena in infinitum.

Item, sic se habet peccare ad malum Angelum, sicut mereri ad bonum ; igitur sicut beatitudo boni non crescit, cum homo non possit mereri, cum sit in, termino, sic nec malus amplius demereri.

Oppositum in Psalm. 73. superbia eorum, qui te oderunt, ascendit semper ; sed non intensive, igitur extensive ; igitur addit peccatum peccato ; igitur continue peccat.