74 MEDIOLANEN.

adversariis novam inquisitionem, novam causam, aeternam vexationem postulare.

Cum itaque proponeretur

D u b i u m

An sit standum vel recedendum a decisis in casu. RESOLUTIO. Die 1 8 Aprilis Emi 'Patres S. C. Concilii

responsum ediderant: lú decisis et amplius. Ex HIS COLLIGES :

I. Iudices delegatos non ad universitatem causarum sed ad peculiare iudicium, etiam sine causae cognitione re- cusari posse ad maiorem libertatem aequitatemque iudi- ciorum,

II. Interdum graviorem iniuriam inferre quae contra iudiciorum ordinem patrantur, quam quae contra ius, quia ordo substantiam afficit.

III. Generalem inquisitionem semper speciali esse prae- mittendam : scilicet iudicem colligere criminis argumenta debere-, et infamia facti ad animadvertendum compelli.

IV. Ad specialem inquisitionem instituendam certissimas probationes requiri, ac tales ut nihil pene deesse videatur quam rei confessio.

Y. Licet libera sit semper Episcopis concedendi facultas non aeque liberam ipsis esse adimendi facultatem. Etenim sine noxa neminem esse privandum : et in quolibet arbitrio ad nutum requiri semper boni viri iudicium.

VI. Ad Sacerdotem condemnandum plusquam duo testes requiri.

VII. Nec testes laicos adhiberi posse contra Sacerdotem in causa poenali, nisi probetur, habiles testes neque actu, neque habitu intervenire in iudicio potuisse.

VIII. Denunciatorem in iudicio et ad poenam nunquam in testem admitti.

IX. In iudicio poenali inimicum, nedum gravi et capi- tali simultate, sed etiam levi, a testimonio ferendo pro- hiberi.