74 NULLIUS S. MARTINI IN MONTE PANNONIAE

scept. 7, n. 7) ; et aequitati consulit pro casibus, in quibus non suppetit probatio, ut aiunt, adminiculativa ex corporis inspectione. Et tanti morale argumentum S. C. O. identidem aestimavit, ut facta etiam inspectione, eaque virginitati mu- lieris haud favente, quia graviter hymen di lacerate , saltem ex parte, repertus fuerat, nihilominus pro inconsummatione sententiam dederit. Ita in Venetiarum Matr. 28 Iulii 1860 ; Neapol. 18 aug. 1866, Ianuen. 9 iulii 1866, apud Acta S. Sedis v. XVIL p. 358.

Verumtamen in casu nostro nec omissum fuit physicum in corpore puellae experimentum ; quod, certe, ut ab initio monui, in aliquibus deficit, sed audiatur hac de re Iudex delegatus : « Fateor quidem, nonnullos defectus in processu instructo occurrere, quin tamen dici possit, illos a nobis commissos, aut voluntarie admissos fuisse. Sic obstetrices non tres, sicut praescriptum est Instr. S. H. C. 22 aug. 1840, sed tantum duae adfuere, quia tertia in loco haberi non potuit, nec sine magno incommodo, imo multis tantum ex- pensis, quibus ferendis partes impares sunt, ex civitate Tau- rinensi tertia advocari potuisset. Libens praeterea admitto, obstetricem Golubovics errasse dum inspectionem non oculis, sed manibus fecerit ; huic tamen defectui medelam afferre non potuimus quum mulier vix adduci potuisset, ut se novae inspectioni subiiceret ; sed nec tempus iam opportunum ac lucidum ad id iterato faciendum suppetebat. Censeo tamen hunc defectum, perplexitati adiudicandum, dexteritate et conscientiosa inspectione alterius obstetricis Molluar abunde suppletum esse. Liceat mihi id etiam observare, mulierem Elisabetham nec ad novam citationem, ulterioris inspectionis causa faciendam, comparituram : quum iam citata, ut publi- cationi processus adesset, non advenerit. Duo medici et duae obstetrices sub duplici iuramento testantur, signa virginitatis penes Elisabetham adesse ; puto testimonia haec eaque iu- rata sufficere, quum iuxta morem, in aula archiepiscopali Parisiensi, vigentem, duo solum medici iurati id facere so- leant, quod in praesenti casu insuper a duabus obstetricibus