74

CAUSAE

I N F O L I O

Num. I.

PARISIEN.

NULLITATIS MATRIMONII (1)

Die 16 Maii 1903.

Sess. 24, c. 1, De ref. matr.

Species facti

Parisiis die 29 Maii 1877 religiosum inierunt matrimo- nium Robertus de C a. 25 et Margarita de B . . . . 17 a. nata ; exitu tamen infelicissimo. Margarita enim, uti fer- tur, non libere nupsit Roberto, contra quem invincibili antipathia detinebatur, dum amorem erga alium iuvenem fovebat. Ipsa coacta fuit, uti asseritur , ab avia Marchio- nissa de M , utpote quae, non solum supremam exercens auctoritatem in universa familia, sed huiusmodi matrimo- nium ob Roberti nobilitatem et divitias firmiter volens, quibuslibet mediis voluntatem neptis frangere conata est.

Initis nuptiis, nec amore nec sollicitudinibus usus est vir ad sibi captandam mulieris repugnantis benevolentiam, quinimo ipsam fastidire coepit, atque contumeliis et iniu- riis afficere ; donec a. 1886, cum coniugale consortium pro- pter iurgia contentionesque impossibile evasisset, mulier vi- rum reliquit et apud matrem se recepit.

( i ) Confer Summarium Causarum relatum in volumine XXXV, pag. 689, in folio, n. I.

EX S. CONGREGATIONE CONCILII